Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Beperk jou verliese só
21 November 2019
Simon Brown

In die vorige uitgawe (7 November) het ek oor verhandeling geskryf, spesifiek ook hefboomverhandeling deur afgeleide instrumente in te span, en wat ons behoort te verhandel (of nie).

Ek het belowe om na die ander twee dele van die vergelyking terug te keer:

Keerverliese en risikobestuur

Kom ons begin by keerverliese, want daarsonder sal ’n handelaar bankrot speel. Dis so eenvoudig soos dit. Eerstens is dit egter belangrik om te sê ek praat van verhandeling, nie langtermynbelegging nie.

’n Langtermynbelegger het ’n keerverlies, maar dit is ’n perd van ’n ander kleur en is meer op fundamentele faktore as suiwer op die prys gegrond.

Vir ’n handelaar is ’n keerverlies eenvoudig ’n vooraf bepaalde prys waarteen hy sal aanvaar die transaksie loop skeef, en dan uitklim. Die doel is om kapitaal te beskerm.

Vir ’n handelaar is ’n keerverlies eenvoudig ’n vooraf bepaalde prys waarteen hy sal aanvaar die transaksie loop skeef, en dan uitklim. Die doel is om kapitaal te beskerm.

Dit is uiters belangrik om ’n keerverlies vas te stel voordat die transaksie uitgevoer word en dan streng daarby te hou. Al wanneer jy aan ’n keerverlies verander, is wanneer die transaksie in jou guns verloop. Styg die aandeelprys, pas jy die keerverlies opwaarts aan.

Sou die prys egter begin daal, hou jy die keerverlies onveranderd. Die moeilike deel is om te bepaal waar jou keerverlies moet wees. My keerverlies is gewoonlik bloot ’n sekere persentasie weg van die toetreevlak af.

Jy kan ook besluit om verbeeldingryker te wees en grafiekvlakke te bekyk voordat jy besluit wat die beste prys is waar jy jou keerverlies moet plaas. ’n Mens kan selfs tegniese ontleding gebruik, soos ’n kruisende MACD (konvergensie-divergensie-ossilator met ’n bewegende gemiddelde), al sal ’n tegniese keerverlies gewoonlik taamlik wyd wees.

Oor die kwessie van ’n wye keerverlies

Maak seker jy gee jou aankopie tyd om te ontwikkel en te beweeg. Ek sien dikwels dat aandelehandelaars ’n keerverlies van tussen 1% en 2% stel.

’n Geringe daling in die prys beteken egter hulle word uitgeskakel – net om te sien hoe die prys dan in hul rigting beweeg . . . sonder hulle.

’n Geringe daling in die prys beteken egter hulle word uitgeskakel – net om te sien hoe die prys dan in hul rigting beweeg . . . sonder hulle.

Daarna gee hulle die konsep van keerverliese die skuld, terwyl hul plasing daarvan eintlik die skuld moet kry.

Ek sê weer: Sonder ’n streng keerverliesproses en –uitvoering, gaan jy jou geld verloor. Elke keer. Ja, dis moeilik, maar noodsaaklik.

Risikobestuur

Die tweede kwessie is risikobestuur. Dié element gaan oor die gebruik van ’n keerverlies, maar ook oor die grootte van jou posisie. Met ander woorde, hoe groot moet die transaksie wees? Wat ek gewoonlik hier sien, is transaksies wat veels te groot is vir die kapitaal wat gebruik word, byvoorbeeld ’n R10 000-rekening wat in ’n enkele transaksie ’n keerverlies van R3 500 waag.

Drie verliese in ’n ry (wat baie waarskynlik is, veral vir ’n beginner) en dis klaarpraat met jou. Al jou kapitaal is daarmee heen.

Drie verliese in ’n ry (wat baie waarskynlik is, veral vir ’n beginner) en dis klaarpraat met jou. Al jou kapitaal is daarmee heen.

Hier moet mens die 2%-reël toepas. Dié reël sê jy moet in geen enkele transaksie ooit meer as 2% van jou kapitaal waag nie. Die R10 000-portefeulje kan dus R200 op die spel plaas in ’n transaksie. Word verhandelingskoste bygevoeg, beteken dit eenvoudig behoorlike risikobeheer kan nie toegepas word nie. Ja, dit beteken kleiner transaksies, maar dit beteken ook ’n rits verliese gaan jou nie uitwis nie.

Pas jy die 2%-reël toe, sal dit byna 50 transaksies met verliese vat om jou uit te wis. Dis veral belangrik om te onthou dat kleiner transaksies emosioneel makliker hanteerbaar is, omdat die bedrag wat betrokke is nie spanning veroorsaak nie.

Bepaal jou keerverlies

Foto: Shutterstock

Die volgende stap is om te weet wat jou 2%-bedrag is, soos per die voorbeeld hierbo. Bepaal jou keerverlies, byvoorbeeld 800 sent.

Indien die toetreepunt dan 900 sent is, het jy 100 sent se risiko per aandeel of verskilkontrak (CFD) en jy deel dit dan in die 2%-waarde in om te bepaal hoeveel aandele of CFD’s jy kan koop. Wat die skerp leser miskien teen dié tyd sien, is dat die 2%-reël ’n klein hoeveelheid kapitaal beteken. En dit beteken jy kan nie ’n behoorlike risiko aangaan nie. Korrek. Jy het ’n ordentlike bedrag nodig om te begin.

Die goedkoopste plek om te begin, is die mini-Alsi met ’n minimum belegging van R10 000. Aandele of CFD’s vereis ’n minimum van R50 000 (dubbel soveel is beter), terwyl valuta minstens $5 000 vereis.

’n Laaste punt. Verhandeling is maklik, maar soos enige ander vaardigheid moet dit aangeleer word en dié proses neem jare. Risikobestuur help om te verseker dié jare kos jou nie ’n fortuin nie.


Meer oor:  Finweek  |  Verlies  |  Verhandelingswenke
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.