Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
BHP wil stroomop swem
6 Desember 2018
BHP se Olympic Dam-myn is ’n groot veelmetaal- ondergrondse myn in die suide van Australië, 550 km noordwes van Adelaide.

Vra die meeste professionele beleggingsmense in die metaal- en mynboumark, en hulle sal sê die wêreld se mynmaatskappye neig om met die stroom saam te gaan. Wanneer die vraag na metale hoog is, produseer hulle meer en bestee hulle meer om nuwe gate in die grond te grawe.

Teen die tyd dat die nuwe myne gebou is, is die rede vir die bou daarvan – die toenemende vraag – ongelukkig weg. Dit, in ’n vreeslike oorvereenvoudiging, is die teorie van pro-sikliese belegging. BHP, die mynboumaatskappy met sy hoofkantoor in Melbourne en een van die grootste maatskappye op die JSE volgens markkapitalisasie, wil dit alles verander deur ’n teensikliese beleggings- metodologie te volg – om te belê as metale nie in aanvraag is nie.

Dit is nie ’n nuwe idee in die sektor nie. Volgens ontleders belê slegs Anglo American genoeg in nuwe produksie om vraag en aanbod van metale in balans te hou – maar hulle het nog nie suksesvol in die toertjie geslaag nie.

Volgens BHP-syfers in ’n onlangse voorlegging oor sy bestedingsplanne, het die Top40- wêreldmynfirmas sedert 2008 $900 miljard belê. Hiervan het aandeelhouers $350 miljard gekry, terwyl nog $250 miljard afgeskryf is. PwC, ’n professioneledienste-groep, het in sy “Mine 2018”-verslag in Junie gesê dat aandeelhouersopbrengste meer as verdubbel het van $16 miljard in 2016 tot $36 miljard.

Die Top40-wêreld- mynfirmas het sedert 2008 $900 miljard belê.

Vooruitsigte op grond van huidige vlakke van prestasie toon dat dividende vanjaar waarskynlik rekordhoogtes sal bereik. Dit is op grond van sy eie oorsig van die Top40-maatskappye. Maar hy het gevra of die taak om opbrengste altyd hoog te hou, volhoubaar is.

“Aandeelhouers wat die bloeisiklusse van 2008 en 2012 ervaar het, sal nou graag die beloning vir hul geduld wil hê, aangesien optimisme en winste terug is,” het Michal Kotze, PwC-leier vir Afrika-nutsdienste, energie en hulpbronne gesê. “Maar die onmiddellike versoeking vir groter opbrengste – vir aandeelhouers of ander belanghebbendes – moet ook opgeweeg word teen die voortdurende behoefte om te belê vir volhoubare langtermynwaarde,” het hy bygevoeg.

Volgens RBC Capital Markets, ’n Kanadese bank, is die idee van teensikliese belegging ’n benadering wat baie gevare inhou. “Daar is sekere uitdagings in die begeerte om na teensikliese beleggings te beweeg wat baie verskans is,” het Tyler Broda, ’n ontleder vir die bank, gesê. “Om verbeterde veelvoude en bogemiddelde opbrengste te verseker, moet die raamwerk nie net deur siklusse, maar ook deur bestuurspanne, gevolg word,” het hy gesê.

Dit is moeilik om te doen omdat dit ’n nuwe institusionele DNS vereis; ’n manier om dinge te doen, nie net omdat dit die jongste mode is nie, maar omdat dit ’n gewoonte is. “Die begeerte om teensiklies te belê, is alles goed en wel in teorie, maar om veerkragtigheid te bly wanneer skuld in ’n afswaai groei, dividende daal en (in teorie) veelvoude tydelik verlaag, sal aansienlike vasberadenheid vereis, veral met die termyne van beleggings- horisonne wat al hoe korter word,” sê hy.

Tydens ’n Goldman Sachs-konferensie in Londen in November het die bank bevind dat mynmaatskappye erg risiko-sku vir mynbouprojekte is. “Die amperse ineenstorting van die sektor in 2015 is steeds vars in die geheue van beide beleggers en bestuurspanne, en dit dryf volgehoue dissipline in kapitaaltoekenning,” het hy gesê.

En ’n onlangse algemene daling in die waarde van mynbou-aandele het hulle daaraan herinner dat hulle nie hul fokus vir ’n enkele oomblik moet verloor nie. Kapitaal word hoofsaaklik aangewend vir uitbreidings of om produksie-opeenhopings uit te skakel. Hy het bygevoeg dat maatskappye by die konferensie “... saamgestem het dat daar geen multimiljarddollarprojekte op die horison is nie, en dat die lys van lewensvatbare projekte kleiner en minder opwindend word.” Die bank het die huidige benadering van mynmaatskappye beskryf as “ ’n tydperk van selfbeheersing”.

Maar is die beleggingsmark oortuig daarvan dat mynmaatskappye hul Damaskus-oomblik ervaar het? Toe Bloomberg TV vir Olivia Markham, medebestuurder van BlackRock World Mining Trust, gevra het of sy glo dat mynmaatskappye meer versigtigheid en selfbeheersing in hul bestedingsgewoontes gaan toon, het sy geantwoord: “Ek hoop so.” Dié reaksie boesem nie juis groot vertroue in dat die mynbedryf lank selfbeheersing kan uitoefen nie.

* Stuur 'n boodskap aan terugvoer@finweek.co.za

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.