Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Blootstelling aan internasionale eiendom
20 Augustus 2021

Die fonds wil positiewe inkomste en kapitaalopbrengs op medium- tot langtermyn behaal.

Wat die fondsbestuurder sê:

Catalyst se internasionale eiendomsfonds is geskik vir beleggers wat blootstelling aan internasionale eiendom soek om kapitaalgroei op lang termyn te behaal. Dit wil toegang bied tot internasionale eiendomsbates van hoë gehalte wat kapitaaltoename en stewige buitelandse dividende behoort te lewer. Onder dié gehalte-eiendomsbates is Prologis, die fonds se grootste belang.

Prologis besit die grootste internasionale nywerheidsportefeulje wat die leidende internasionale nywerheidsplatform verteenwoordig. Prologis het ook ’n groot beleggingbestuursonderneming wat op langer termyn beduidende waardeskepping aan beleggers kan bied, sê Jamie Boyes, fondsbestuurder.

“Prologis besit die portefeulje met die hoogste gehalte onder portuurgenote ten opsigte van bates se ligging en funksies – wat dit vir die maatskappy moontlik maak om aan huurdervereiste te voldoen, ’n hoë besettingsvlak te handhaaf en onderhoudskoste laag te hou. Die sektor kry ’n sterk hupstoot daaruit dat meer vervaardigingsektore en e-handelverspreiding en -uitvoering plaaslik gevestig word.”

Hy sê die huurdervraag bly uitsonderlik en wyd verdeeld. Daar is vanweë die onderbreking van die begin van spekulatiewe ontwikkelings in die tweede en derde kwartaal van verlede jaar ’n beduidende verskil tussen die vraag en aanbod. Saam met die feit dat leegstand in stedelike markte op ’n algehele laagtepunt is, veroorsaak dit dat markhuurgeld skerp styg. “Prologis se markhuurgeld sal vanjaar na verwagting met tussen 10% en 12% groei.”

Boyes sê dis ’n uitdaging om te bepaal of die gedragsveranderinge wat deur die Covid-19-pandemie veroorsaak en versnel is, net ’n korttermyn-aard het (veranderinge wat deur regeringsaansporings en verbruikers se teruggehoue besteding aangedryf word) en watter veranderinge struktureel (blywend) is en ’n langtermyn-uitwerking op die fundamentele faktore van sekere subsektore sal hê wat nog jare lank beleef sal word.

Studentebehuising en kantore is van die sektore wat die slegste vaar. Die fonds het deur Unite Group (VK) en American Campus Communities (VSA) blootstelling aan studentebehuising en deur Allied Properties (Kanada), Derwent London (VK) en Cousins Properties (VSA) aan kantore. Die fonds verwag dat die oorkoepelende toekomstige vraag na kantoorspasie kleiner as voor die pandemie sal wees omdat werk tuis algemener word.

Hy verwag dat namate groter klem op werknemerwelstand geplaas word, die tendens van buitengewone prestasie deur moderne, goed geleë, energiedoeltreffende kantoorgeboue sal voortduur. Boyes sê in die algemeen “besit reits portefeuljes van bogemiddelde gehalte. Die fonds se kantoorbloostelling is hoofsaaklik deur reits met moderne portefeuljes in markte met hoër bevolking- en werknemergroei.” Hy verwag dié portefeuljes sal op die duur beter as kantoorportefeuljes van gemiddelde graad vaar.

Hoekom finweek dié fonds sal oorweeg:

Die internasionale omgewing van genoteerde eiedom bied aan potensiële beleggers groot diversifisering na verskeie subsektore. Meer as 50% van die fonds is aan nissubsektore toegewys (laboratoriumspasie, torings, datasentrums, pakhuise en enkelgesin-woonhuise), teenoor die meer tradisionele kleinhandel- en kantoorsubsektor.

* Stuur 'n boodskap aan terugvoer@finweek.co.za

Meer oor:  Finweek  |  Eiendom  |  Beleggings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.