Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Delf ruwe opbrengsdiamante
7 November 2019

Die Coronation Top20-fonds wil optimale langtermynbeleggingsgroei bewerkstellig deur in ’n groep SA-genoteerde aandele te belê.

Fondsbestuurder se insigte:

Die Coronation Top20-fonds beoog om die plaaslike FTSE/JSE Capped All Share Index-maatstaf op lang termyn te klop. Die fonds mag slegs in JSE-genoteerde aandele belê; die fonds het dus ’n aggressiewe risiko-profiel omdat dit gekonsentreerde blootstelling aan Suid-Afrikaanse aandele bied.

Die fonds bevind hom in ’n beleggingsomgewing met swak kapitaalgroei. (Sien ons vorige voorblad-artikel oor die Top40-insluimering).

Die fonds het aan einde die einde van September ’n 1-jaar-opbrengs van 2,4% opgelewer en het sy swak maatstaf met 2,1 persentasiepunte geklop. “Met dié doel, is die fonds se opbrengste sedert sy aanvang gebiedend, met alfa van 3,5% per jaar, na aftrekking van gelde,” volgens die portefeuljebestuurders, Neville Chester en Nicholas Stein.

Op ’n vraag oor hoe die fonds dit regkry om maandelikse positiewe opbrengste te lewer in die onstuimige plaaslike ekonomiese en beleggingsomgewing, sê Chester: “Coronation se langtermyn-, waardasie-gedrewe beleggingsfilosofie stel ons in staat om die korttermyngeraas te ignoreer en om ons op langtermyn fundamentele faktore toe te spits.”

Hy verduidelik: “Deur dié proses het ons ondernemings wat wen geïdentifiseer, wat uiteindelik in die prestasie van die aandeelprys weerspieël word. Plaaslike markte het flou resultate gelewer, maar deur spesifieke aandele te kies, het ons daarin geslaag om ondernemings te vind wat dit vermag om goeie resultate in moeilike tye te lewer – en ons het in die algemeen daarin geslaag om sukkelende ondernemings te vermy.” ’n Groot bydraer tot die fonds se relatiewe prestasie dié kwartaal (en vanjaar), was byvoorbeeld min blootstelling aan Sasol. Sasol het gesukkel weens teleurstellende nuus van sy Lake Charles-projek, en ’n swak handelsverklaring in Julie.

Die fonds het ook jare lank ’n posisie in platinumprodusente gehou, ondanks die geraas aangaande die insakking van sy belangrike mark (outokatalisators).

Noudat die beduidende tekort aan voorraad bekend word, “het ons gesien dat die pryse toeneem en die aandele goeie prestasie lewer,” sê Chester aan finweek. Hy sê dat “dit onmoontlik is om te sê” in watter rigting die plaaslike ekonomiese en mark-teenwinde oor die laaste twee maande van 2019 gaan waai. Wêreldwyd gaan enige oplossing van die groot politieke uitdagings, soos Brexit of die Amerikaanse handelsoorloë, belangrik vir die marksentiment wees, sê Chester.

Hoekom finweek sou oorweeg om hom by te voeg:

Die fonds van R18,86 miljard het ’n gebiedende prestasiegeskiedenis op lang termyn, met alfa van bykans 4% (klop markmaatstaf) per jaar na aftrekking van gelde sedert aanvangs. Nadat die fonds baie aandele wat hoofsaaklik aan die Suid-Afrikaanse ekonomie blootgestel is, vermy het, beoog dit om aandele van defensiewe Suid-Afrikaanse maatskappye van hoë gehalte by te voeg.

“Waardasie lyk baie aantreklik na drie tot vyf jaar van ’n uiters moeilike verdienste-omgewing en wat lyk na algemene kapitulasie met betrekking tot SA spesifieke aandele,” sê Chester.

* Stuur 'n boodskap aan terugvoer@finweek.co.za

/
/
/
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.