Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Diamantmark op sy kop
7 November 2019

Met die klappers van Diwali, wat aan die einde van Oktober in dele van Johannesburg weerklink het, kom kordiet – en hoop. Die wêreld se diamantsektor, waar gemiddelde pryse vanjaar met 35% onder dié van 2014-2017 gedaal het, sal waarskynlik enige uitdrukking wat met die woord “fees” eindig, verwelkom.

Dit is omdat ’n fees dikwels beteken dat diamant- en goue juweliersware gekoop word. Die Thanksgiving-feesdag in Amerika – steeds die grootste diamantmark ter wêreld – volg op Diwali; en die viering van Kersfees en die nuwe jaar volg op Thanksgiving.

Teen Februarie hoop die diamantsektor dat hy sy hande tevrede sal vryf en sal wonder waaroor hy hom so bekommerd was. Syfers van De Beers verlede maand (Oktober) het getoon dat die laaste verkoopsiklus $295 miljoen bedra het.

Die LSE- genoteerde driemanskap van Petra Diamonds, GEM Diamonds en Firestone Diamonds, het die afgelope 12 maande onderskeidelik 79%, 48% en 87% verloor.

In vergelyking met die vorige verkoopsiklus, ongeveer ses weke vroeër, was dit ’n verbetering, maar jaar-tot-jaar was die verkope byna $100 miljoen minder.

Dit is stewig Die verwagting is dat die slegste vir die sektor verby is, maar diamant- aandele het swaar slae gekry. Lucara Diamonds, ’n maatskappy wat in Toronto genoteer is, maar wat die Karowe-myn in Botswana bedryf, was die jongste slagoffer – en het in September ongeveer ’n derde van sy waarde verloor en tot sy laagste vlak in vyf jaar gedaal.

’n Hele aantal diamantondernemings wat in Suid-Afrika en Lesotho bedrywig is, insluitende die LSE-genoteerde driemanskap van Petra Diamonds, GEM Diamonds en Firestone Diamonds, het die afgelope 12 maande onderskeidelik 79%, 48% en 87% verloor. Dit is ’n taamlike morsige storie.

Die vernaamste oorsaak is wisselvalligheid in die mark, wat veroorsaak het dat verbruikers goudprodukte bo diamante verkies; ’n trae reaksie op ’n laer vraag onder produsente; en die lusteloosheid waarin die sogenaamde “middelstroom” hom bevind. Die middelstroom verteenwoordig die diamantsnyers en -slypers, bekend as “produseerders”, wat ongeslypte diamante opneem wat vir hulle in “emmers” verpak word deur ondernemings soos De Beers, en daarvan dan diamante produseer vir die winkels.

Eira Thomas, president en uitvoerende hoof van Lucara Diamond

Die proses klink dalk interessant, maar dit is kapitaalondoeltreffend – en dit ’n situasie wat Eira Thomas hoop binnekort verander sal word.

Thomas is uitvoerende hoof van Lucara. Dit is die maatskappy wat die Lesedi la Rona, die ruwe diamant van 1 111 karaat, in 2015 gemyn het – die wêreld se grootste sedert die beroemde Cullinan-diamant gevind is, toe Suid-Afrika ’n “Unie” was en mense nog kon onthou hoe dit gevoel het om met ’n tiekiewawielfiets te ry. Benewens diamantmynbou, het Lucara ook blokketingtegnologie in die ruwediamantmark bekendgestel wat die kopers uiteindelik in staat stel om presies die stukke te koop wat hulle wil hê.

Die huidige “tender”-stelsel, wat De Beers lank ondersteun het, bied kopers ’n mengsel van diamante wat hulle aanvaar of afkeur. Met die swak vraag, het De Beers kopers toegelaat om aankope uit te stel, basies totdat hulle die geld het. En vir baie diamantkopers is dit te moeilik om na geld te verwys, want in die verlede kon hulle nie aan hul finansiers presies sê watter diamante hulle kan slyp nie.

Wat die tegnologie doen, is om eintlik ’n vingerafdruk te neem van elke ruwe diamant wat in die stelsel inkom, terwyl kopers terselfdertyd hul spesifieke vereistes vir geslypte diamant kan oplaai.

As jy nie die waarde van jou produk kan spesifiseer nie, kan jy nie regtig op goedkoop kapitaal aanspraak maak nie. Lucara se blokkettingtegnologie het die romantiese naam van “Clara”. “Die wonder van Clara is dat kopers kan sê: ‘Dit is die waarde van die diamante’ – die prys en die marge – sodat banke kan sien of hulle te veel betaal of nie. Dit keer die diamantmark op sy kop,” sê Thomas.

Wat die tegnologie doen, is om eintlik ’n vingerafdruk te neem van elke ruwe diamant wat in die stelsel inkom, terwyl kopers terselfdertyd hul spesifieke vereistes vir geslypte diamant kan oplaai: snit, grootte, kleur, gehalte, ens. Die aard van die blokketting beteken ook dat die herkoms van diamante veilig is.

“Clara kan ’n stabiele markplek skep,” sê sy en voeg by dat ’n nuttige byvoordeel is dat Lucara dalk hoër gemiddelde diamantpryse op Clara kan behaal as in die tradisionele tendergedrewe mark. Lucara is nou tien maande in ’n vyfjaarplan in en het die getal kopers op die stelsel van vier aan die begin tot 27 verhoog. Maar skaal is belangrik. Daarom hoop Thomas dat derdepartyverskaffing bygevoeg kan word saam met die ruwe diamante wat Lucara lewer. “Ons hou positiewe samesprekings met goeie produsente, maar dis belangrik om nie te vinnig te gaan nie. Ons moet vraag en aanbod konsekwent bou. ” ¦

* Stuur 'n boodskap aan terugvoer@finweek.co.za

Meer oor:  Finweek  |  Diamante  |  Beleggings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.