Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Die implikasies van ’n sekondêre notering
5 Julie 2018
Foto: Getty Images

Ek verwys dikwels na die globale geaardheid van JSE-genoteerde aandele aangesien die inkomste van die groot aandele meestal van buite ons grense is.

Terwyl die JSE ons eie plaaslike beurs is, is dit werklik globaal in geaardheid. Maar daar is ’n ander belangrike aspek van die globale aard van ons mark, en dit is die dubbele noterings: sommige aandele verhandel nie net op die JSE nie, maar ook op ander beurse wêreldwyd.

Nog ’n stappie verder is dat talle plaaslik genoteerde aandele hulle primêre noterings op ’n ander beurs het. Die JSE-notering is dan ’n sekondêre notering. Dit het ’n aantal implikasies vir beleggers op die JSE. Maar kom ons verstaan eers hoe dit werk.

’n Aandeel wat op twee verskillende beurse genoteer is, sal in die meeste gevalle verwisselbaar wees, met ander woorde jy kan byvoorbeeld British American Tobacco hier in Suid-Afrika in rande koop en dit in Londen op die LSE in sterling verkoop.

Beheermaatreëls verhinder private kliënte om dit te doen, maar dit beteken dat die prys van die twee aandele op die verskillende aandele in sinchronisasie gehou sal word, en wisselkoerse in berekening gebring word. Die vraag is dan waar die ware prys van die aandeel is.

Gewoonlik sal watter beurs ook al die hoër handelswaarde het, die prys bepaal. British American Tobacco se prys sal dus in Londen bepaal word en die JSE-prys sal volg. Dit kan nogal heelwat skeefgetrek word deur handelsure; byvoorbeeld, wanneer die LSE sy dag eers om 10:00 Suid-Afrikaanse tyd begin, kry ons ’n uur om ons eie prys te bepaal voordat hulle open.

Maar uiteindelik sal die aandele gesinchroniseerd verhandel want as hulle dit nie doen nie, sal handelaars die pryse arbitrage deur op een beurs te koop en dadelik op die ander te verkoop (en wins te maak uit enige prysverskil). Handelaars debatteer of mens die primêre kaart moet karteer aangesien dit die leier is.

Ek het, toe ek ekwiteit verhandel het, altyd die plaaslike aandeel gekarteer omdat dit steeds al die inligting gehad het en ook die wisselkoers in ag geneem het.

Uiteindelik sal die aandele gesinchroniseerd verhandel, want as hulle dit nie doen nie, sal handelaars die pryse arbitrage deur op een beurs te koop en dadelik op die ander te verkoop (en wins te maak uit enige prysverskil).

Om terug te keer na die primêre notering: dit is belangrik wat betref die reëls wat die maatskappy volg én die geldeenheid waarin finansiële resultate gerapporteer word. Steinhoff het byvoorbeeld ’n primêre notering in Frankfurt, so terwyl hy in stryd met die JSE-reëls is weens die laat indiening van finansiële verslae (dit moes einde Januarie in wees), is die maatskappy nie in stryd met die Frankfurt-reëls nie.

As sulks hou Steinhoff aan om daar handel te dryf en die JSE het nie die aandeel opgeskort nie. Die geldeenheid waarin verslag gedoen word, maak saak en ons sal die resultate verwerk in rande omdat dit die geldeenheid is waarin ons belê. Maar die res van die wêreld sal fokus op die verslagdoeningseenheid.

’n Swakker rand mag British American Tobacco se resultate fantasties laat lyk, terwyl hulle meer beskeie in sterling mag wees. Die mark sal eerder belangstel in die meer beskeie sterling-resultate. Laastens is daar die Amerikaanse depositobewys (ADR).

Dit is in effek ’n dubbele notering, maar met ’n kinkel: die ADR-notering in Amerika sal ’n sertifikaat wees, eerder as ’n werklike aandeel. Dit maak dit makliker en goedkoper vir aandele om in Amerika te noteer, sonder dat dit al die regulatoriese prosesse benodig wat die maatskappy duur kan kos.

As ’n belegger, speel dubbele noterings, of ’n primêre buitelandse notering, nie ’n groot rol in my seleksieproses nie. Ek hou dit altyd in gedagte, maar uiteindelik bly ek ’n volwaardige aandeelhouer wat geregtig is op my winste, en die dubbele notering van baie van ons groter maatskappye beteken ek het maklike toegang tot buitelandse aandele en winste.

Neem deel aan die gesprek en stuur 'n e-pos aan terugvoer@finweek.co.za

Meer oor:  Finweek  |  Simon Brown  |  Aandele
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.