Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Die mark se verspeelde geleenthede
22 Oktober 2020
Foto: Shutterstock

Die algemene denke aangaande ons mark, wat volgens wêreldstandaarde maar klein en gekonsentreerd is, is dat die verkeerde prysbepaling in kleinkapitaalaandele gaan plaasvind.

Aandele in die FTSE/JSE se top-40-indeks word deur honderde ontleders gedek en het miljarde nuwe rande wat elke maand in hulle gestort word weens gereelde pensioenbydraes. Graeme Körner van Körner Perspective, ’n batebestuurder, het dikwels aan my gesê dat plaaslike beleggers hulle slegs op die klein- en middelkapitaalaandele moet toespits.

Indien jy aandele in ’n luuksegoedere-maatskappy wil koop, hoekom sal jy jou beperk tot die enkele luuksegoedere-aandeel op die JSE, Richemont? Koop die wêreld se beste. Dieselfde is waar betreffende al die ander sektore wat ons plaaslik het; dikwels met net een of twee aandele in die sektor en in baie gevalle het ons nie eens een maatskappy in sekere sektore nie.

Dis bewys deur die onlangse AdaptIT-handelsverklaring; die tegnologie-aandeel het verhandel teen 120c per aandeel. Die maatskappy het toe ’n verwagte wesensverdiente per aandeel van minstens 65c aangekondig (hoewel hy verskillende weergawes daarvan gehad het). Dit sal die aandeel op ’n verwagte prys-verdienste-verhouding van minder as twee keer plaas.

AdaptIT se aandeel het sy waarde verdubbel tot 277c en dit is steeds goedkoop met ’n p/v van net meer as vier keer.

Met die skryf van dié artikel, het die aandeel sy waarde verdubbel tot 277c en dit is steeds goedkoop met ’n p/v van net meer as vier keer. Dit behoort sonder twyfel nader aan ’n p/v van 10 keer te wees. Die feit dat dit nie tot ’n billiker p/v van tien keer heraangeslaan is nie, is weens ’n algemene gebrek aan belangstelling in ons kleinkapitaal-aandele. Groot instellings kan nie hierin belê nie omdat die aandele te klein is, maar selfs kleinbeleggers vermy hulle weens etlike vrese.

Vrese soos Suid-Afrika se flou ekonomiese vertoning, hoë werkloosheidkoers en kommer oor korporatiewe skandale (al was dit hoofsaaklik groot maatskappye). Dus het die aptyt vir die aandelebeurs se genoteerde kleinkapitaal-aandele verdwyn en tog is daar ’n klomp werklik goeie maatskappye, en soos AdaptIT toon, is daar party van hulle wat waarlik goedkoop is. Hoe kry ons van dié kleinkapitaal-aksie? Eerstens moet ons altyd besonder omsigtig wees. Dit is maklik om deur ’n goeie storie meegevoer te word, maar is daardie wonderlike storie werklik so goed as wat ons dink?

Wat as ’n groter mededinger besluit om met ’n nuwe produk tot dié maatskappy se gebied toe te tree? Hoe waarskynlik en selfs hoe moontlik is dit? Het hy langtermynkontrakte met klante en ’n produk wat uniek verskil van dié van sy mededingers?

Dan, soos altyd, spits jou toe op kontantskepping en die balansstaat. Skuld kan ’n klein onderneming, selfs ’n winsgewende ene, lamlê. En onthou, kontant is altyd koning. Kyk na die maatskappy se aandeelhouding. Ek hou daarvan as die bestuur ’n hele klomp aandele besit, maar nie te veel nie. As die bestuur meer as 50% besit, kan likiditeit ’n probleem wees en kan die verkryging van kapitaal moeilik wees omdat die bestuur nie hulle deel vir ’n kapitaalverkryging sal kan bydra om die maatskappy te laat groei nie. Ek hou ook daarvan om met die bestuur te praat.

Tog is daar ’n klomp werklik goeie maatskappye, en soos AdaptIT toon, is daar party van hulle wat waarlik goedkoop is.

Ek vind dat uitvoerende hoofde van kleinkapitaalmaatskappye baie inskiklik en gretig is om oor ’n koppie koffie te gesels, selfs met ’n klein belegger. Maar wees gewaarsku, die bestuur hou altyd die meeste van hul eie maatskappy se aandele. Die laaste punt is iets waaroor ek onlangs geskryf het. Wat sal kopers lok en die prys laat styg?

Ja, ’n verklaring wat aandui dat ’n p/v onder twee keer is, werk, maar dit gaan nie dikwels gebeur nie. Jy moet gelukkig wees met matige of selfs negatiewe prysbewegings. Hiervoor sal jy vergoed word deur dividende wat beteken dat ’n stewige en betroubare dividend-uitkering baie belangrik is. Basies moet ons hierdie kleinkapitaalmaatskappye soos privaat-ekwiteitsbeleggings behandel, wat moeilik is om te koop (lae likiditeit) en selfs moeiliker is om te verkoop. Wees bereid om hulle vir ’n lang tyd te besit. Maak dus doodseker dat jy die beste aandeel teen ’n uitstekende prys koop.

* Stuur 'n boodskap aan terugvoer@finweek.co.za


Meer oor:  Finweek  |  Aandelemark  |  Beleggings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.