Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Hoe om netto batewaarde te gebruik wanneer jy aandele oorweeg
10 September 2021
Foto: Shutterstock

Tydens ’n aanlyn byeenkoms van die JSE wat ek onlangs bygewoon het, het verskeie beleggingskundiges aandele uitgekies toe die onderwerp van netto batewaarde (NBW) ter sprake gekom het met betrekking tot hoe al die aandele wat gekies is, bokant hul NBW verhandel.

Aangesien ek dikwels in my artikels na NBW verwys, het ek gedink dit sou raadsaam wees om meer aandag daaraan te bestee. Eerstens, wat is NBW? Dit is ’n maatstaf wat sy oorsprong in die balansstaat het en wat in wese die aftrek van alle aanspreeklikhede van al die bates is.

Dit is ook die ekwiteitswaarde wat ons in verhoudinge gebruik soos opbrengs op ekwiteit (OOE). Dus is dit die realisasiewaarde van die maatskappy. NBW is ook ’n funksie van ’n beheermaatskappy waarvolgens dit die waarde van al sy bates min enige aanspreeklikhede is, dikwels die belasting op wins, of skuld. Ek het onlangs geskryf oor hoe beheermaatskappye kenmerkend teen ’n diskonto op hul NBW’s verhandel, maar dat ons tans groter bedrae as gewoonlik sien.

Byvoorbeeld, Remgro het tradisioneel teen ’n diskonto van 15% tot 20% op sy NBW verhandel, maar het onlangs teen ’n diskonto van 40% verhandel. Een van die makliker dele van ’n beheermaatskappy se NBW is wanneer die maatskappy se aandele genoteer is en jy kan dié genoteerde prys gebruik om die NBW te bereken.

Maar dit is die betaal van meer as die NBW wat baie beleggers laat kop krap. Die antwoord is eenvoudig; wanneer jy ’n maatskappy as belegging koop, koop jy dit nie vir die realisasiewaarde nie, jy koop dit vir die toekomstige wins.

Wanneer die aandele nie genoteer is nie, kan sake ingewikkelder raak. Wanneer jy ’n enkele maatskappy oorweeg, is die waardasie van ongenoteerde bates ’n uitdaging. Soms is dit slegs voorraad en dan is dit maklik om te bereken, al word dit teen kos- of kleinhandelsprys gewaardeer. Ideaal gesproke behoort dit teen kosprys te wees aangesien die transaksie miskien nie sal plaasvind nie of dit kan teen ’n diskonto op die gewone verkoopsprys plaasvind. Daar is ook die kwessie van klandisiewaarde.

Wanneer een maatskappy ’n ander koop, sal hy meer as die NBW van die teikenmaatskappy betaal, en daardie bykomende waarde word as ’n bate by die balansstaat gevoeg – klandisiewaarde. Indien die transaksie skeef loop, kan die klandisiewaarde met die verloop van tyd afwaarts gewaardeer word soos ons gesien het met Sasol se teëspoed by Lake Charles.

Maar dit is die betaal van meer as die NBW wat baie beleggers laat kop krap. Die antwoord is eenvoudig; wanneer jy ’n maatskappy as belegging koop, koop jy dit nie vir die realisasiewaarde nie, jy koop dit vir die toekomstige wins.

Dus is OOE ’n belangrike verhouding: watter wins word deur NBW gegenereer? Die realisasiewaarde maak slegs saak as sake skeef loop en die maatskappy gaan ten gronde. Dit is die uitdaging vir diegene wat aandele benede die NBW koop en deur te meen dat hulle goeie waarde bied. Die logika is gesond, maar die ervaring is dikwels nie.

Is dit waarde of ’n waardestrik? Ek het al meer as een keer ’n aandeel teëgekom wat benede sy NBW verhandel, en nadat ek dit gekoop het, het die waarde nooit ontsluit nie. In die geval van Argent is dié diskonto op NBW besig om te ontsluit, maar ons moes ’n dekade lank daarvoor wag. Daar is ook tasbare NBW (TNBW), wat my voorkeur-NBW is.

Dit sluit ontasbare bates uit en dus is dit moeilik om bates soos klandisiewaarde te verkoop. Dus is TNBW heelwat suiwerder, maar dit kan steeds tot waardestrikke lei. Die Don Group het benede die waarde van sy eiendomme – laat staan nog sy NBW – verhandel, maar hy het altyd gesukkel en is uiteindelik gedenoteer teen heelwat laer as sy TNBW.

Laastens, verskillende bedrywe verhandel teen verskillende premies op NBW. Banke is gewoonlik ongeveer 1,5 keer NBW (boekwaarde in banktaal), maar op die oomblik verhandel die meeste van hulle benede hul boekwaardes. Bied hulle waarde? Eiendomsaandele het ’n hoogtepunt bereik van ’n premie van ongeveer 35% op NBW en die langer-termyngemiddelde is ’n premie van tussen 10% en 15%. Dus, om af te sluit, om meer as die NBW vir ’n gehalte-maatskappy te betaal, is goed en wel, maar wees versigtig vir ’n korting op NBW, dit kan ’n strik wees.

* Stuur 'n boodskap aan terugvoer@finweek.co.za


MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.