Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Hoekom handelaars nie kort aan kontant kan wees nie
20 Februarie 2020

Beleggers is eenvoudige mense. Ons koop ’n aandeel vir die lang termyn in die hoop dat sy prys sal styg en ons ’n wins sal maak met die dividende en die beweging van die aandeelprys.

Ons het ook ’n beperkte 100%- afwaartse risiko (indien die maatskappy waarin ons belê bankrot speel) en onbeperkte opwaartse beloning. Aan die ander kant het handelaars (al koop en verkoop hulle dieselfde aandele as beleggers) ’n heel verskillende ervaring.

Hulle sal die aandele vir ’n veel korter tydperk hou; vir party is dit so kort as ’n paar minute of ure, of miskien ’n paar weke of maande.

Hefboomfinansiering

Hulle maak ook van hefboomfinansiering gebruik – hulle leen in werklikheid geld om meer van die aandeel waarin hulle handel dryf, te koop – en dit gee hul wins ’n hupstoot, maar so ook hul verliese. Maar nog ’n belangrike en groot verskil is dat handelaars ook ’n aandeel sal kort verkoop. Dit is wanneer jy ’n wins probeer maak as die aandeelprys daal.

Dit behels basies dat hulle iets verkoop wat hulle nie besit nie; hulle moet die aandeel gaan leen om dit te kan verkoop – ’n proses wat die meeste verhandelingsplatforms outomaties sal doen. Nadat ’n handelaar die aandeel verkoop het, hoop hy om dit teen ’n laer prys te kan terugkoop, en die verskil in die prys is die wins wat hy maak.

Hulle maak ook van hefboomfinansiering gebruik – hulle leen in werklikheid geld om meer van die aandeel waarin hulle handel dryf, te koop – en dit gee hul wins ’n hupstoot, maar so ook hul verliese.

Die risiko-beloningafruiling verskil egter heelwat. Omdat die laagste wat ’n aandeel kan daal, nul is, word ’n handelaar se opbrengs op 100% vasgestel, maar as die aandeel die hoogte inskiet, kan die handelaar moontlik meer as 100% verloor. Dit bring ons dan by ’n situasie wat ’n “kortposisieknyp” (short squeeze) genoem word.

Kortposisies

Dit gebeur wanneer die getal kortposisies op ’n spesifieke aandeel groot is en iets besig is om die aandeelprys hoër op te stoot. Dit kan iets soos ’n eenvoudige gerug, resultate of ’n makelaar se opgradering wees – enigiets wat ’n aandeel se prys opstoot.

Dit lei dan daartoe dat sommige handelaars wat kortposisies hou, verplig word om hul posisie te verander, wat hulle doen deur te koop. Dit veroorsaak bykomende koopdruk en stoot die prys selfs hoër op, wat ander beleggers aan hul kortposisies laat onttrek.

Indien daar genoeg kortposisies is, kan dit soos ’n sneeubal groei en ’n skerp toename in die prys tot gevolg hê, wat tot ’n kortposisieknyp lei omdat korthandelaars uitgedruk word en hulle die hasepad kies. ’n Bekende voorbeeld hiervan het in Oktober 2008 plaasgevind toe Volkswagen vir ’n kort tydjie die grootste gebeur in die wêreld geword het weens ’n enorme kortposisieknyp.

Indien daar genoeg kortposisies is, kan dit soos ’n sneeubal groei en ’n skerp toename in die prys tot gevolg hê, wat tot ’n kortposisieknyp lei omdat korthandelaars uitgedruk word en hulle die hasepad kies.

Dié knyp het begin toe Porsche aangekondig het dat hy 74% van Volkswagen se aandele gekoop het terwyl ’n bykomende 20% deur die staat van Neder-Sakse gehou is, wat beteken het dat slegs 6% van die uitgereikte aandele verhandelbaar was.

Tog het kortverkopers ongeveer 13% van Volkswagen se aandele geleen om te verkoop. Die nuus van Porsche het spekulasie van ’n moontlike denotering geskep, en die korthandelaars was desperaat om daaruit te ontsnap en het Volkswagen se aandele in twee dae van ongeveer €200 tot meer as €1 000 per aandeel opgejaag.

Meer onlangs, het Tesla se aandele ook ’n enorme kortposisieknyp ervaar nadat goeie resultate die prys van $440 tot bykans $1 000 opgejaag het.

Plaaslik is Steinhoff nog ’n aandeel met ’n enorme hoeveelheid kortposisies; daar is gerugte dat hy Pep Europa vir soveel as €4,5 miljard kan verkoop wat die aandeelprys van 82c tot meer as 200c in enkele dae opgejaag het.

Die gevolg van enige kortposisieknyp is dat die prys met verloop van tyd altyd daal – dit neem gewoonlik ’n paar dae of weke – en die kortposisies word uitgedruk en normale aktiwiteite word hervat. Tesla is weer terug tot onder $750 en Steinhoff is laer as 150c ten tye van die skryf van die artikel. Korthandelaars wat gedurende die druk wil uithou, moet vet beursies en senuwees van staal hê.

Kort handelaars wat gedurende die druk wil uithou, moet vet beursies en senuwees van staal hê.

Die kontant is vir die marge-opvorderings. Onthou, handelaars gebruik dikwels leenkapitaal. Die verliese is gou-gou meer as die kontant waarmee hulle begin het en leners sal al hoe meer kontant wil hê terwyl die transaksie al dieper en dieper in ’n verlies vasval.

En sake kan nogal angswekkend raak: Die prys herstel miskien nie vinnig genoeg nie wat die handelaar met ’n enorme verlies laat wat sy aanvanklike deposito heeltemal oorskadu.

Meer oor:  Finweek  |  Beleggers  |  Handelaars
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.