Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Hoeveel sal South32 se steenkoolbates haal?
6 Junie 2019
Mike Teke, uitvoerende hoof van Seriti Resources Foto’s: Gallo/Getty Images | Argief

Exxaro Resources is vermoedelik een van die maatskappye op die kortlys vir South32 se plaaslike steenkoolbate – South African Energy Coal (SAEC) – wat die afgelope twee jaar te koop is aangesien South32 sy blootstelling aan termiese steenkool wil beëindig.

Onder die ander bieërs op die kortlys – uit die aanvanklike groep van meer as 50 – is Seriti Resources onder leiding van Mike Teke, voormalige hoof van Optimum Coal Holdings; asook ’n nuwerige konsortium bekend as Sibambene Coal bestaande uit ’n breë groepering van swart sakebelange en befonds deur Mercuria, die Switserse hulpbronhandelaar.

Die streng bodreëls wat South32 neergelê het, maak dat byna niemand ’n woord oor die verkoopsproses wil rep of selfs sê of hulle in die wedloop is nie.

Die streng bodreëls wat South32 neergelê het, maak dat byna niemand ’n woord oor die verkoopsproses wil rep of selfs sê of hulle in die wedloop is nie. Enkele besonderhede is egter bekend. Een is dat bindende aanbiedings teen 31 Mei moet in wees – twee dae nadat dié uitgawe van finweek persklaar gemaak sou word. Met ’n kortlys van verdienstelike kandidate in plek, is die tweede die ewige kwessie van prys.

Veranderlikes om in ag te neem

Tim Clark, ’n Ontleder by Standard Bank Group Equities Foto’s: Gallo/Getty Images | Argief

“Daar is ’n klompie veranderlikes om in ag te neem: een is die steenkoolprys. Aan die begin van die proses het die steenkoolprys tot $100 per ton gestyg; dis nou $70 per ton,” sê Tim Clark, ’n ontleder by Standard Bank Group Equities. Nog een is dat South32 afgesien het van sy aanvanklike plan om SAEC vir ’n nulsom te verkoop, met die koper wat die koste dra om die myn te rehabiliteer.

“Die maatskappy [South32] het ’n netto huidige waarde van $1,1 miljard op SAEC. Dit beteken ’n waarde van $400 miljoen sonder rehabilitasiekoste,” sê Clark.

’n Ander ontleder meen ’n bod tussen $300 miljoen en $500 miljoen sal seëvier, sonder die rehabilitasiekoste wat South32 laas op $739 miljoen geraam het. Dit laat sommige terugdeins: een van ons land se bekendste swart sakemanne het anoniem aan finweek gesê ’n waarde van $300 miljoen tot $400 miljoen op SAEC sal hom die aftog laat blaas.

SAEC het vir die groep se 2018-boekjaar $353 miljoen in onderliggende voorbelaste verdienste aangeteken, gelykstaande met sowat 14% van die groeptotaal. Die bates wat betrokke is, is South32 se 92%-aandeel in SAEC bestaande uit die steenkoolmyne Khutala, Klipspruit en Wolvekrans in die Middelburg-kompleks wat aan Eskom sowel as die uitvoermark voorsien, ruweg op ’n 50:50-grondslag.

“Die maatskappy [South32] het ’n netto huidige waarde van $1,1 miljard op SAEC. Dit beteken ’n waarde van $400 miljoen sonder rehabilitasiekoste,” sê Clark.

Phembani Group

Die res van die aandele behoort aan Phembani Group, ’n swart maatskappy, wat na verwagting nie sal bie nie. Van kardinale belang is dat die myne ’n uitvoerreg deur Richardsbaai se steenkoolterminaal (RBCT) insluit, miskien die moeilikste deel van SAEC om te waardeer. Die uitvoerreg is ’n ekonomiese reg eerder as ’n vaste bate soos ’n myn met afnemende reserwes.

Reg kan verhuur word aan ander deelnemers in die steenkoolbedryf indien dit nie self gebruik word nie en bied regstreekse blootstelling aan die internasionaal verhandelde steenkoolmark. Dis egter nie die juweel wat dit voorheen geag is nie, want steenkoolproduksie in Suid-Afrika het agteruitgegaan en die knelpunt met die steenkoollyn kan opgelos word as Transnet ’n tweede tonnel bou by Overvaal, soos hy na verwagting later vanjaar sal doen.

Dit sal die vermoë op die steenkoollyn wat RBCT voorsien van die huidige 81 miljoen tot 91 miljoen ton per jaar vergroot.

Dit sal die vermoë op die steenkoollyn wat RBCT voorsien van die huidige 81 miljoen tot 91 miljoen ton per jaar vergroot.

Vir Total SA se steenkoolbates het Exxaro te veel betaal en Mxolisi Mgojo, uitvoerende hoof, het dit vroeër vanjaar duidelik gestel dat omsigtig gewerk word met die bepaling van ’n prys vir die uitvoerreg deur RBCT.

Tydens die voorlegging van die maatskappy se jaareindresultate het Mgojo gesê toegang tot die uitvoermark is nie moeilik nie, deels omdat Optimum Coal se myne nie daarin slaag om sy 8 miljoen ton steenkool te lewer nie.

Hy het dit ook bevraagteken of dit vir Exxaro beter is om sy eie myne te ontwikkel eerder as om dié van ander te koop. “Dit sal inderdaad sin maak om eers na jou eie projekte te kyk uit ’n waardeoogpunt,” het Mgojo gesê. “Wanneer jy van buite af kyk, moet jy dit vergelyk met wat jy het . . . [K]an ek daardie rande hier binne beter bestee?”

Meer oor:  Phembani Group  |  South32  |  Finweek  |  Steenkoolbates  |  Exxaro Resources
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.