Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Kapitaal: Is daar te veel van ’n goeie ding vir maatskappye?
4 Julie 2019
Foto: Shutterstock

Waar kapitaal in oorvloed is, kan maatskappye in baie projekte belê. Maar dit sluit dikwels projekte in wat nie heeltemal so winsgewend is nie en dus knaag aan opbrengste.

As jy die beleggingspatrone van maatskappye in ’n bedryf analiseer, kan jy gewoonlik ’n insig in hul toekomstige winspotensiaal kry.

Besighede neem deurgaans besluite oor of hulle byvoorbeeld in verskillende projekte, soos nuwe fabrieke of nuwe winkels, moet belê. Hulle neem hul besluite op grond van ’n lys potensiële projekte en die waarde wat elkeen vir die onderneming sal skep.

Boaan die lys is die heel winsgewendste projekte, dié projekte wat wonderlike geleenthede bied; onderaan is projekte met waarde so laag dat dit skaars die moeite werd is om te oorweeg.

Projekte boaan die lys kry eerste finansiering, en namate die maatskappy deur die lys werk, belê hy in minder en minder aantreklike projekte. Dieselfde geld vir bedrywe.

As maatskappye in ’n bedryf egter hul besteding verminder en slegs hul beste projekte finansier, neig opbrengs op kapitaal om te styg. Om dié rede lewer bedrywe wat min kapitaal het dikwels goeie winste.

Tegnologie teenoor tabak

’n Historiese voorbeeld is tegnologie en tabak. In die vroeë 1970’s is die eerste kommersiële mikroverwerker geproduseer, wat tot die inligtingsrevolusie aanleiding gegee het.

Rob Perrone is ’n beleggingskonsultant by Orbis.

Op dieselfde tydstip het Amerika die meeste sigaretadvertensies verbied. As ’n belegger in die vroeë 1970’s sou jy waarskynlik tegnologie voor tabak gekies het.

Maar die Datastream-sektorindekse toon dat tabakaandele se opbrengs sedert 1973 tien keer hoër as tegnologie s’n is. Die rede? Beleggers het ’n oseaan van kapitaal in opwindende tegnologiegeleenthede belê, wat mededinging verhoog het en opbrengste afgedruk het.

Aan die ander kant het regulatoriese beperkinge beleggers van tabak afgeskrik, maar min mededinging gelaat en goeie opbrengs gebring vir die beperkte kapitaal wat oorgebly het.

In die huidige omgewing het ons ’n interessante tendens in die beleggingsvlakke van die energie- en tegnologiebedryf waargeneem. Die meeste beleggers beskou energie tans as ’n riskante, kapitaalintensiewe besigheid.

Sedert die olieprysineenstorting in 2014, het die groot internasionale oliemaatskappye egter besteding verminder en fokus nou net op hul beste geleenthede.

Sedert die olieprysineenstorting in 2014, het die groot internasionale oliemaatskappye egter besteding verminder en fokus nou net op hul beste geleenthede. En, soos ons histories gesien het, was gedempte kapitaalbesteding ’n goeie raamwerk vir aantreklike opbrengste op kapitaal; een rede waarom Total, BP en Royal Dutch Shell in een of meer strategieë besit word.

Tegnologiese besteding

Aan die ander kant beskou die meeste beleggers die FAAMG’s (Facebook, Amazon, Apple, Microsoft, Google/Alphabet) as goeie besighede wat lig is op kapitaal. Alphabet en Facebook is aantreklik, maar die groep het beleggings onlangs verhoog. Elkeen van die FAAMG’s bedryf ’n netwerk van datasentrums – pakhuise, soms so groot as tien sokkervelde, vol rekenaarskyfies. Om daardie datasentrums op te bou en toe te rus, is duur.

Verlede jaar het die FAAMG’s meer as $75 miljard aan kapitaalbeleggings bestee, en as die huidige tendens voortduur, sal hulle eersdaags meer as die oliereuse bestee.

Verlede jaar het die FAAMG’s meer as $75 miljard aan kapitaalbeleggings bestee, en as huidige tendense voortduur, sal hulle eersdaags meer as die oliereuse bestee.

Heelwat van daardie belegging is in gebiede soos wolkdienste, waar die grootste maatskappye teen mekaar meeding, en intense mededinging is ’n vloek vir opbrengs.

Hoewel die tegnologiereuse steeds sterk besighede is, verg hierdie besteding noukeurige aandag, aangesien dit hul histories hoë opbrengs op kapitaal kan laat daal.

Tog bied hierdie tendens in tegnologiebesteding geleenthede vir ander maatskappye, soos Taiwan Semiconductor Manufacturing, wat baie van die skyfies in daardie datasentrums vervaardig.

In ’n goudstormloop kan dit meer winsgewend wees om grawe te verkoop as om saam goud te begin soek.

Siklusse van kapitaalbelegging is beslis nie die enigste oorweging vir ’n maatskappy se fundamentele faktore nie. Maar die verlede dui op ’n belowende praktiese reël vir beleggers: gaan waar daar nie kapitaal is nie. 

  • Stuur 'n boodskap na terugvoer@finweek.co.za
  • Rob Perrone is ’n beleggingskonsultant by Orbis. Orbis sal in Julie vanjaar ’n voorlegging hou by die Allan Gray-beleggingsberaad in Johannesburg en Kaapstad. www.investmentsummit.co.za.
  • Om in aanmerking te kom om ’n paar kaartjies vir die geleentheid in Johannesburg of Kaapstad te wen, stuur ’n e-pos aan terugvoer@finweek.co.za met “Allan Gray” as die onderwerp. Dui aan in watter stad jy die geleentheid sal wil bywoon as jy die kaartjies wen.

Meer oor:  Finweek
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.