Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Ken jou indeks
9 Mei 2019
Foto: Gallo/Getty Images

Ek het onlangs verduidelik hoe Naspers* aan die einde van Desember ’n gewig van 21,55% in die plaaslike Top40-indeks gehad het, terwyl British American Tobacco (BAT) ’n gewig van slegs 2,07% gehad het.

Met ander woorde, as jy R100 in ’n Top40-naspoorfonds plaas, sal 2155 sent in Naspers en 207 sent in BAT geplaas word.

Dit het gelei tot talle navrae van mense oor hoe dit werk, omdat BAT ’n markkapitalisasie (totale waarde van alle genoteerde aandele) van ongeveer R1,4 duisend miljard het terwyl Naspers slegs effens groter is met R1,6 duisend miljard. Dit is omdat die JSE plaaslike-aandeelhouersgewig gebruik om die aanvanklike gewigte vir die indeks te bepaal.

’n Plaaslik verhandelde aandeel moet minstens 5% van sy aandele in die JSE hou.

Maar kom ons gaan terug na die begin oor hoe ’n indeks saamgestel word. Eerstens besluit jy oor ’n beleggingsheelal. In die geval van die Top40 is dit die 40 grootste aandele op die JSE, maar daar is ’n voorbehoud hier.

’n Plaaslik verhandelde aandeel moet minstens 5% van sy aandele in die JSE hou. Dit is miskien ’n buitelander wat die aandele besit, maar hy het hulle deur middel van die JSE gekoop. In die geval van Naspers, wat op die oomblik net op die JSE verhandel sodat 100% van sy aandele op die JSE gehou word, kan sy aandele (op die oomblik) nie elders gekoop word nie.

BAT

Daarenteen verhandel BAT ook op ander effektemarkte. Hy het wel meer as die vereiste 5% op die JSE genoteer, maar veel minder as 100%. Glencore het ’n markkapitalisasie van bykans R900 miljard, maar sy plaaslike JSE-aandelebesit is minder as 5%. Dus, al is Glencore ’n top 10-aandeel met betrekking tot grootte, is hy nie in die Top40 ingesluit nie.

Sodra ’n aandeel bokant die plaaslike JSE-drempel is, kan hy by die Top40-indeks ingesluit word, maar slegs aandele in plaaslike besit word vir sy markkapitalisasie gebruik.

Dus is BAT een tiende van Naspers in die indeks, eerder as om bykans dieselfde gewig te hê. Dit mag miskien vreemd voorkom, maar dit maak sin. Deur die volle markkapitalisasie in te sluit wanneer die meeste van die aandele nie plaaslike besit word nie, sal die indeks ernstig verdraai vergeleke met wat werklik in die mark gebeur.

Die doel van ’n indeks is om dit wat gebeur met die aandele wat die mark beïnvloed, na te spoor.

Die doel van ’n indeks is om dit wat gebeur met die aandele wat die mark beïnvloed, na te spoor. Indien BAT en Glencore albei teen hulle volle markkapitalisasies ingesluit sou word, sal ons aandele hê wat die mark op of af jaag, maar wat op buitelandse verhandeling gegrond is. Dit gee aanleiding tot my volgende belangrike punt: Ken jou indeks.

Passiewe beursverhandelde fondse (ETF’s)

Ek is ’n groot aanhanger van passiewe beursverhandelde fondse (ETF’s) wat eenvoudig ’n indeks naspoor. Soos die jongste S&P Passive vs. Indexation (SPIVA) toon, klop die indeks meer as 85% van die aktiewe fondsbestuurders oor drie en vyf jaar.

Dus vaar die vervelige ETF besonder goed vergeleke met die kundiges. Maar ons moet verstaan hoe die indeks saamgestel word. Byvoorbeeld, in finweek se uitgawe van 4 April het ek geskryf oor die vier verskillende breë ETF’s wat op die JSE aangebied word. Hulle is grootliks dieselfde – globale ETF’s in Amerikaanse dollars. Maar daar is beduidende verskille tussen party van hulle wat verskillende opbrengste en risiko’s behels.

Solank jy breed-gebaseerde indekse kies, sal jy met verloop van tyd goed met jou beleggings vaar.

Per slot van rekening moet jy nie paniekerig raak as jy nie op die hoogte van die onderliggende indeks van jou ETF is nie. Solank jy breed-gebaseerde indekse kies, sal jy met verloop van tyd goed met jou beleggings vaar.

Jy kan ook die webtuiste van die ETF-uitreiker besoek om meer besonderhede oor die onderliggende indeks te kry en oor hoe dit saamgestel is. Maar die belangrikste les hier is dat ons versigtig moet wees aangaande die meer nis-ETF’s wat op kleiner subindekse gegrond is omdat ons doodseker moet wees dat ons verstaan uit watter aandele die indekse saamgestel is.

Meer oor:  British American Tabacco  |  Naspers  |  Finweek
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.