Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Kies van aandele verwronge ten gunste van nuwegenerasie-maatskappye
4 Junie 2020

’n Vierledige benadering tot die kies van aandele, het goeie resultate vir beleggers gelewer.

FONDS IN FOKUS: AUTUS PRIME GLOBAL EQUITY FEEDER FUND

Autus Fund
Fondsbestuurder se insigte:

Autus Fund Managers se wêreldwye aandelefonds beoog om kapitaalgroei op lang termyn te voorsien.

Aan die einde van April, was net-net meer as 90% van die fonds se bates toegewys aan buitelandse ekwiteite, wat deur middel van ’n vierpilaargegronde, onder-na-bo- fundamentele ontleding gekies word, nadat die sakemodel, die bestuur en ekonomiese, sosiale en bestuurskwessies in ag geneem is. Die fonds fokus op maatskappye met ’n globale voetspoor en wêreldwye verdienste, annuïteitsinkomste, sterk kontantvloei, lae skuld en ’n lae waarskynlikheid dat hy slegte skuld sal aangaan.

Die fonds verkies maatskappye wat nie werklik eksterne kapitaal nodig het om die onderneming te laat groei nie, maar wat kontantreserwes op die balansstaat hou en wat maklik verstaanbare sakemodelle en uitstekende bestuur het.

’n Maatskappy wat die bogenoemde kriteria nakom, is volgens die span die China-genoteerde Ping An-versekeringsgroep (wat 27 filiale het, insluitend Ping An Health Insurance Company of China, waarin Suid-Afrika se Discovery belê het). Die Ping An-konglomeraat, wie se filiale hulle hoofsaaklik op versekering toespits, vul die sewende plek op Forbes Global 2 000 se lys en is 29ste op die Fortune Global 500-lys. Die versekeringsvleuel is gekies vir die 2019 Dow Jones Sustainability Emerging Markets Index (DJSI).

Die fonds beoog dat die maksimum blootstelling aan enige aandeel 5% van die portefeulje moet wees (en hy neem wins indien dit 5% oortref). Dit is selde ten volle belê en het tot dusver heelwat oorprestering vermag en hou gemiddeld meer as 10% in kontant om voordeel uit koopgeleenthede te trek. “Ons beoog om kleiner aandelebesittings in ’n nuwe generasie van maatskappye te belê wat waarde op lang termyn bied.

’n Goeie voorbeeld is Shopify, wat aanvanklik teen minder as $98 verkry is en wat op die oomblik teen net meer as $754 verhandel. Namate die prys gestyg het, het ons wins geneem en die blootstelling tot minder as die huidige 2% van die fonds beperk,” sê Dawie Conradie, leier van die fondsbestuurspan. “ ’n Wonderlike maatskappy is slegs ’n uitstekende belegging as jy die regte prys daarvoor betaal,” sê hy.

In April, nadat die uitwerking van die wêreldwye pandemie ’n bietjie duideliker geword het, het die fonds se blootstelling aan aandele verminder wat onder die huidige omstandighede as te duur geag is. Gevolglik is aandele soos Berkshire Hathaway, Target, Royal Dutch Shell en Siemens verkoop. Maar Conradie sê: “Ons is gereed om weer in hulle te belê wanneer die regte pryse weer opduik.”

Hoekom finweek dit sal oorweeg om dit by te voeg:

Die fonds het goed gedurende die opswaaie presteer en het insgelyks daarin geslaag om kapitaal gedurende markdalings te beskerm. Die portefeulje is goed gediversifiseerd en bied blootstelling aan wêreldwye maatskappye met ’n geringe noodsaaklikheid vir eksterne kapitaal om die onderneming te laat groei. 

* Stuur 'n boodskap aan terugvoer@finweek.co.za

/
/
/
Meer oor:  Finweek  |  Aandele
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.