Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Markte: Moenie die bal nou laat val nie!
20 Desember 2018

Ek was as kind nooit juis goed in balsportsoorte nie. ’n Bietjie hardloop en swem was al wat ek kon vermag sonder om ’n gek van myself te maak.

My skool het egter daarop aangedring dat ons almal verskillende balsportsoorte moes uittoets, en ons afrigters het altyd gesê ons moenie agter die bal aan hardloop nie, maar ons moet wees waar die bal volgende gaan wees.

Markte is soos balsport!

Dit het nooit vir my sin gemaak nie, en ek het altoos agter die bal aan gehardloop en natuurlik was dit reeds weg wanneer ek daar aankom.

Dus het my hele sportloopbaan bestaan uit waar ek agter die bal aanhol, maar nooit daarmee kontak maak nie. Markte is dieselfde. Ons hardloop altyd na daar waar die aksie is; ons probeer wag tot op die tippie van die laagtepunt voor ons koop of ons koop die hoë vlieërs.

Eersgenoemde werk bykans nooit nie, en dis waar dat as jy gou genoeg inklim, sal die hoë vlieërs jou geld in die sak bring. Die reël is egter dat jy moet hardloop na waar daar nog nie aksie is nie.

In dié geval, as jy ’n verwagte gemiddelde opbrengs op langer termyn vir ons mark van ongeveer 12% (dividende ingesluit) verwag, dan het jy baie om in te haal vir die gemiddelde om na die norm terug te keer.

Klim in voor die aksie daar is en hardloop na waar die aksie volgende gaan plaasvind. As jy vroeg inklim wanneer die pyse laag is, is jou wins veel hoër, maar as jy halfpad of by die stertkant inklim, sal jy met die krummels of die afverkoping tevrede moet wees.

Ons het, met dit in gedagte, gesien hoe die Amerikaanse markte in 2017 gevlieg het. Almal het hulle na die buiteland gehaas en FAANG-aandele gekoop (Facebook, Apple, Amazon, Netflix en Alphabet se Google) of selfs een van S&P 500 of Nasdaq se beursverhandelde fondse (ETF’s).

Kom ons kyk na Amerikaanse markte

Die opbrengste het goed afgeskop, maar die onlangse uitverkoop het die wind uit die wins gehaal.

So, waar laat dit ons in die nuwe jaar?

Opbrengste in die Amerikaanse markte sal vir die volgende drie tot vyf jaar waarskynlik matiger wees namate die indekse na hul gemiddeldes terugkeer.

Met ander woorde, as die gemiddelde verwagte opbrengs van Amerikaanse indekse rondom 8% is, en hulle oor die afgelope paar jaar 15% opgelewer het, dan sal die volgende paar jaar se opbrengste laer as die gemiddelde wees vir opbrengste om op die langer termyn tot die gemiddelde terug te keer.

Plaaslik het ons markte so te sê nul-opbrengste oor die afgelope vyf jaar opgelewer.

Die vraag is natuurlik wat veroorsaak dat die markte styg (vir plaaslike markte) en die laer opbrengs vir Amerikaanse markte.

In dié geval, as jy ’n verwagte gemiddelde opbrengs op langer termyn vir ons mark van ongeveer 12% (dividende ingesluit) verwag, dan het jy baie om in te haal vir die gemiddelde om na die norm terug te keer.

Gaan die aksie in die plaaslike mark wees?

Die bal is op die oomblik in Amerika, waar die aksie in daardie markte was, maar oor die volgende vyf jaar gaan die aksie en die opbrengste waarskynlik in ons plaaslike mark wees (waar die bal gaan wees) aangesien die plaaslike indekse beter gaan presteer as die gemiddelde om tot die gemiddelde terug te keer.

Die vraag is natuurlik wat veroorsaak dat die markte styg (vir plaaslike markte) en die laer opbrengs vir Amerikaanse markte. Die antwoord is heel waarskynlik waardasies. ’n Sterk stygende mark soos Amerika gehad het, het waardasies opgestoot.

Opbrengste in die Amerikaanse markte sal vir die volgende drie tot vyf jaar waarskynlik matiger wees namate die indekse na hul gemiddeldes terugkeer.

Plaaslik het die nul-opbrengs oor die afgelope vyf jaar plaasgevind terwyl maatskappye hul winste verhoog.

Ja, die winste was besonder matig, maar dit beteken steeds dat ons plaaslike waardasies aantreklik is wat ons ruimte bied sodat waardasies eers tot normaal en dan tot duur moet terugkeer – wat die oorprestering oor die volgende drie tot vyf jaar bied.

’n Laaste, belangrike punt is dat ons steeds versigtig moet wees. Byvoorbeeld, konstruksie-aandele daal al die afgelope dekade en dit lyk of dit nooit gaan eindig nie.

Ons moet dié swak sektore herken en eenvoudig van hulle wegbly en ons op veerkragtige sektore toespits wat deurlopend wins bied.

Meer oor:  Finweek
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.