Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Moet nooit als op die spel plaas nie
4 Julie 2019

Beleggers se teorieë oor toekomstige markbewegings is dikwels voortydig. Hoe moet jy dan te werk gaan met beleggingsbesluite wat op daardie verwagte uitkomste gegrond is?

Bright Khumalo, portefeuljebestuurder by Vestact, het my onlangs aan ’n wonderlike sêding van Howard Marks herinner: “Om jou tyd te ver vooruit te wees is maar dieselfde as om verkeerd te wees.” 

Foto: Shutterstock

As ons tans SA Ingelyf-aandele koop of hou, voel dit eintlik of ons verkeerd is. Maar is ons miskien net vroeg daarmee?

Ek onthou dat ’n vriend van my rondom 2005 oortuig was dat ’n reuse-ineenstorting wag op die mark en dat die behuisingsborrel in Amerika die oorsaak sou wees. Later is hy reg bewys. Toe was dit egter reeds klaarpraat met hom; hy was sy hele portefeulje kwyt omdat hy in die laaste paar jaar van ’n sterk bulmark aanhoudend kortverkoop het.

Maar hoe weet ons of ons verkeerd is, of bloot vroeg?

Albei kan ons ruïneer. Daarom is dit belangrik om onsself voortdurend te kontroleer, en ons prosesse en posisies voortdurend na te gaan. Hoe doen ons dit? Die eerste ding is om jou oorspronklike aannames opnuut te bekyk. Hoe het jy tot dié besluit gekom? Watter tekens het jy gesien en watter tekens het jy verwag om te sien wat jou teorie sou bevestig?

Ek hou daarvan om Bayes se teorie toe te pas, wat behels dat jy die model met talle verskillende stukkies inligting opbou en by ’n verwagte resultaat uitkom.

Ek hou daarvan om Bayes se teorie toe te pas, wat behels dat jy die model met talle verskillende stukkies inligting opbou en by ’n verwagte resultaat uitkom.

Dit stel jou in staat om elke stukkie inligting opnuut te bekyk, te kontroleer en ook te kontroleer of jy dalk iets weggelaat het. Bayes se teorie aanvaar ook dat niks binêr is nie. Dit bied bloot ’n persentasie van ’n kans dat jou verwagting vervul sal word. So, selfs al is daardie verwagting 80%, bly ’n 20%-kans oor dat jy verkeerd is.

Gewoonlik soek ek ook teenoorgestelde standpunte op. Dit gaan nie daaroor om ander na jou standpunt toe oor te haal nie; dit gaan bloot daaroor om daardie teenoorgestelde standpunte te vind en dan te toets of hulle meriete het. As hulle wel meriete het, kan dit jou help om denkfoute in jou eie redenasie raak te sien.

Sit jou geld op meer speelkanse

Die ander belangrike ding is om nooit al jou eiers in een mandjie te sit nie – met ander woorde moenie al jou geld op ’n enkele speelkans verwed nie.

Natuurlik is dit wonderlik as dit werk. Werk dit egter nie, het jy jou tjips gehad. Belegging gaan nie daaro om als op die spel te plaas nie. Dit gaan daaroor om ’n portefeulje ooreenkomstig ’n markbeskouing te oriënteer. In die voorbeeld van SA Ingelyf besit ek wel ’n klomp SA Ingelyf-aandele van hoë gehalte.

Die ander belangrike ding is om nooit al jou eiers in een mandjie te sit nie – met ander woorde moenie al jou geld op ’n enkele speelkans verwed nie.

Ek het egter steeds buitelandse bates en beursverhandelde fondse in my portefeulje. Daarby het ek ’n dophoulysie van SA Ingelyf-aandele wat ek sal begin koop wanneer ek verdere bewyse van SA Ingelyf se herstel sien.

'n Belangrike punt

Nog ’n belangrike ding is om nie afgeleide instrumente te gebruik wat ’n eksponensiële opbrengs sal gee wanneer (as?) jy reg is nie. Die probleem is dat afgeleide instrumente jou nie die luukse van tyd gee nie.

Hulle is produkte wat geleende geld gebruik om daardie eksponensiële opbrengs te verskaf, so hulle kos geld vir elke dag wat jy daardie posisie handhaaf. Dit beteken as jy vroeg is, is die kanse groot (soos met my vriend gebeur het) dat jy naderhand, lank voordat jy begin wins maak, niks geld gaan oorhê om die posisie te finansier nie.

Dan die groter prentjie: Wat as jy verkeerd is, of as dit lyk of jy verkeerd is? Wel, die slegte nuus is dat net soos ons nooit seker kan wees ons is reg nie, ons ewe min seker kan wees ons is verkeerd.

Daarom hou ek van die Bayesiaanse benadering. Dit gee my die persentasiekans sodat ek my portefeulje dienooreenkomstig kan skaal. As daardie persentasie merkbaar daal, moet ek my posisie verklein (of vergroot, as die persentasie merkbaar verbeter). Soos jy sal sien, gebruik ek die woord “merkbaar”

’n Klein beweginkie gaan nie my siening verander nie, maar ’n stewige 10%-beweging sal beslis meebring dat ek dienooreenkomstig optree.

Meer oor:  Finweek  |  Beleggings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.