Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
’n Bulmark sonder enige radikale opbloei
20 Desember 2018
Foto: Shutterstock

Hier by ons het die afgelope jaar begin met ’n gevoel van hoop.

Die jaar het positief begin!

Ons het ’n nuwe president gekry, en ondersoeke is geloods na staatskaping en ongerymdhede in die SAID.

Toe president Cyril Ramaphosa in Februarie sy nuwe kabinet aankondig, het die rand ’n ruk lank teen R11,55 per dollar verhandel, en alles het belowend gelyk.

’n Gevoel van optimisme het oral geheers. Agterna beskou is die jaar eerder gekenmerk deur die sterfgevalle weens listeriose in polonie, en vroeg in Desember was die Top40 sowat 10% laer vir die jaar.

Agterna beskou is die jaar eerder gekenmerk deur die sterfgevalle weens listeriose in polonie, en vroeg in Desember was die Top40 sowat 10% laer vir die jaar.

Die rand is meestal plat, nadat dit die grootste deel van die jaar aan die verkeerde kant van R14 per dollar was. En gedurende die loop van die jaar het ’n hele aantal gunstelingaandele ook sleg deurgeloop.

Aspen was volgens gerugte die fokus van nog ’n omstrede Viceroy-navorsingsverslag, en hoewel die teiken uiteindelik Capitec was, het dit die Aspen-aandeelprys ook seergemaak.

Ná gedempte Aspen-resultate en die skielike verkoop van hul babaformulesaak, is die aandeel terug op 2012-vlakke en byna twee-derdes laer as die R440-hoogtepunte van vroeg in 2015.

MTN het weer ’n stel afgetrap met Nigeriese reguleerders, en sy aandeelprys het teruggeval tot 2008-vlakke. Steinhoff het natuurlik sy val voortgesit om onder 200 sent te verhandel, baie ver van die meer as 9 000 sent waarteen hy in Maart 2016 verhandel het.

Dit is maar net enkele laagtepunte van ’n moeilike jaar. Die meeste Top40-aandele verhandel laer vir die jaar.

Neem die resessie in ag!

Neem ook in ag dat ons ’n resessie ervaar het, asook verhoogde belasting, insluitend ’n BTW-verhoging en ’n stygende petrolprys. As ek terugkyk na wat ek dié tyd verlede jaar geskryf het, was ek in baie opsigte reg – afgesien van een grote.

Ek het ’n groen Top40 verwag. En eintlik was dit die een voorspelling wat saak gemaak het (ek het ook nie die resessie verwag nie). Ons het einde 2017 uit ’n meerjarige sywaartse kanaal gebreek, maar ons het teruggekeer na daardie kanaal, en was laat Oktober in ’n amptelike beermark (20% laer as die hoogtepunte).

Ons is nou terug waar ons in 2014 begin het. Vyf jaar van nulopbrengste – eina!

Ons het einde 2017 uit ’n meerjarige sywaartse kanaal gebreek, maar ons het teruggekeer na daardie kanaal, en was laat Oktober in ’n amptelike beermark (20% laer as die hoogtepunte).

Hoewel ek redelik seker was wat om vanjaar te verwag (met die een belangrike uitsondering), is volgende jaar baie meer onseker.

Die groot probleem wat voor die deur staan is ’n handelsoorlog. Amerika se president Donald Trump het onlangs sover gegaan om ’n handelsvrede aan te kondig – of dit kan eerder beskryf word as ’n ooreenkoms om die vyandelike optrede vir ’n tydperk van 90 dae tydelik op te hef.

'Trump is 'n boelie' 

Maar, soos ons al geleer het om van die Trump-administrasie te verwag, kan ’n ondeurdagte twiet enige oomblik uitgestuur word en die hele idee verongeluk.

Handelsvrede sal goed wees vir die werêldekonomie, markte en kommoditeitspryse. Handelsoorloë is weer sleg vir omtrent alles – so ek moet Trump se gedagtes lees en probeer uitvind wat hy sal doen.

Simon Brown

My gevoel is dat Trump ’n boelie is. Hy dreig sy veronderstelde vyande en sê hulle sleg voordat daar uiteindelik ’n middelwegooreenkoms aangegaan word. Ons het dit met die Noord-Amerikaanse Vryhandelsooreenkoms gesien.

Ek veronderstel dis ook sy hele speletjie met China – hy kan tog nie so dom wees om te dink iemand kan werklik ’n handelsoorlog wen nie. Handelsvrede behoort wêreldwye groei te laat voortduur, onder die aanvoerwerk van Amerika.

Vir die S&P 500 kan dit egter moeiliker wees. Die superopbrengste van die laaste jare kan nie voortduur nie. Ek verwag om die waarheid te sê ’n paar jaar van swak opbrengste, terwyl die indeks na die gemiddelde terugkeer.

Dit laat baie geld oor wat buite die Amerikaanse markte ’n tuiste soek, en heelwat sal na Europa vloei, veral aangesien hulle sekerlik kwantitatiewe verruiming en die effektekoopprogram moet beëindig en die verhoging van koerse moet begin oorweeg.

Die grootste risiko vir ons mark bly handelsoorlog en ’n beduidende ineenstorting in die Amerikaanse markte. Albei sal ons seer maak as dit gebeur – maar ek dink dit is onwaarskynlik.

Dit is belangrik, omdat die gewone oplossing vir ’n finansiële krisis is om koerse te verlaag. Hulle moet hulle dus begin regmaak. Van dié geld wat ’n tuiste soek, sal ook na ontluikende markte vloei, en ons sal daarby baat vind.

Ek is dus weer optimisties vir die plaaslike mark vir volgende jaar – die grootkapitalisasiemaatskappye, die Top40.

Dié maatskappye beweeg altyd eerste, mettertyd gevolg deur die middel- en kleinkapitalisasiemaatskappye; moet dus nie nou al oor die kleiner aandele opgewonde raak nie. Hulle sal hul beurt kry, maar waarskynlik ná nog so ’n paar jaar.

Dis sal nie 'n  stil verkiesing wees nie

Plaaslik sal die algemene verkiesing in Mei ’n baie lawaaierige begin van die jaar veroorsaak. Politici sê wat hulle in hul poste sal hou.

Die meeste daarvan is retoriek waarvan hulle vergeet sodra hulle verkies word. Neem die uitlatings maar met ’n groot knip sout. Een groot bron van kommer is natuurlik Eskom. Ek sit nou juis sonder krag, hoewel ons krag volgens die beurtkragrooster nie veronderstel is om af te wees nie.

Dit is dus ’n onbeplande kragonderbreking. Dié dinge maak oorlewing baie moeilik.

Dit is ’n probleem wat nie binnekort sal weggaan nie. Eskom bly die grootste risiko vir ons land. Wat regtig plaaslik help, is dat die waardasies op ons plaaslike mark goedkoop is.

Ons het vyf jaar van verdienstegroei gehad (beskeie groei, maar tog groei) en geen prysbeweging nie.

Ons het vyf jaar van verdienstegroei gehad (beskeie groei, maar tog groei) en geen prysbeweging nie.

Gevolglik is ons sukkelende aandele tans die goedkoopste wat hulle in ten minste ’n dekade was. Desondanks is ’n voortploeterende ekonomie die beste wat ons kan verwag.

Beter toestande sal beslis help

BBP-groei is ver van 2%, wat nog van 5% tot 6% wat ons nodig het om die land reg te ruk. Maar beter toestande (al is dit moeilik) sal help. Ons kan ook kosinflasie begin sien, veral as daar volgende jaar ’n droogte is (kenners sê dit is 70% waarskynlik).

Dit sal slegte nuus vir verbruikers en die landbousektor wees. Dit sal voedselkleinhandelaars help, omdat die huidige gebrek aan voedselinflasie hulle seermaak, aangesien die koste gestyg het, maar nie inkomste nie.

Dit is ook so dat die meeste inkomste uit die Top40-aandele van buite ons grense kom, wat verdienstegroei sal help.

Kommoditeitspryse behoort grootliks stabiel te bly (as daar handelsvrede is), maar met beter doeltreffendheid en produksie, tesame met lae skuldvlakke, behoort gediversifiseerde kommoditeitsaandele goed te presteer. ’

'n Ooraanbod van platinum sal egter voortduur, en pryse sal laag bly.

Brent-ruolie sal waarskynlik tussen $60 en $80 bly – onder dié vlak maak niemand geld nie, en hoër oorstroom die mark. So ek is positief vir volgende jaar plaaslik.

Kommoditeitspryse behoort grootliks stabiel te bly (as daar handelsvrede is), maar met beter doeltreffendheid en produksie, tesame met lae skuldvlakke, behoort gediversifiseerde kommoditeitsaandele goed te presteer. ’

Maar moenie ’n opbloeiende bulmark verwag nie. Inteendeel, ons sal aanvanklik ’n voortsetting sien van die verkoop (plaaslike en werêldmarkte sal daal) wat in die eerste kwartaal sal afplat.

Dit sal dan gevolg word deur ’n stadige styging. Ons behoort ongeveer 10% op die Top40 volgende jaar te verdien, maar dit is meer as wat ek van Amerikaanse markte verwag.

Die grootste risiko vir ons mark bly ’n handelsoorlog en ’n beduidende ineenstorting in die Amerikaanse markte. Albei sal ons seer maak as dit gebeur – maar ek dink dis onwaarskynlik. 

  • Stuur 'n boodskap aan terugvoer@finweek.co.za
  • Die skrywer besit aandele in Shoprite, City Lodge en in PTXTEN.
  • Finweek is ’n publikasie van Media24, ’n filiaal van Naspers.

Simon se voorkeuraandele vir die jaar wat voorlê

Shoprite*: Shoprite moet nie weer sy eie foute herhaal word nie. Verwagte voedselinflasie sal marges verbeter.

City Lodge*: ’n Stadig verbeterende ekonomie en verkiesing sal lei tot meer bednagte. Die hefboomeffek sal lei tot beter winste.

Coronation: Tans teen histories goedkoop markkapitalisasie tot bates onder bestuur en met ’n gesonde dividendopbrengs.

Naspers**: MultiChoice sal ’n goeie notering wees, en Tencent sal weer speletjies publiseer.

PTXTEN*: Eiendomsaandele sal nie opbloei in dié jaar nie, maar waardasies is so goedkoop as enige tyd in die afgelope dekade, met ’n goeie dividendopbrengs.

Meer oor:  Simon Brown
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.