Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Portefeulje-bestuur: Delf na duidelikheid
10 September 2020
Foto: Shutterstock

Die verdiensteseisoen het weer by die JSE aangebreek, met resultate vir die middel van die jaar in Junie en jaareindresultate wat nou gepubliseer begin word.

En nou begin ons die ware uitwerking sien van die regering se streng inperking op maatskappye, wat laat in Maart begin het. Dit bied beleggers die werklike eerste aanduiding van hoe sake gedurende die inperking gevaar het en gee ons moontlik ’n vlugtige blik op hoe hulle sal herstel.

Maar ten eerste is daar twee belangrike punte. Jaareindresultate sal net een kwartaal van die inperking insluit, terwyl middeljaarresultate ’n tydperk sal dek wat oor die helfte van die inperkingstyd strek.

Dit is ook baie belangrik dat terwyl ons tans in vlak 2 van die inperking is, sake steeds riskant is en ons kan weer strenger maatreëls in die gesig staar – soos die geval was in talle lande wêreldwyd wat vóór Suid-Afrika uit die streng inperking gekom het.

Nog ’n waarskuwing is dat die bestuur van sommige maatskappye die verskoning van die inperking sal gebruik om dit wat onomwonde swak bestuur is, weg te steek. Byvoorbeeld, hulle sal bates afwaarts waardeer, wat ongeag die inperking, buitendien afwaarts waardeer sou gewees het, en dan die pandemie daarvoor die skuld gee. Ja wel, die inperking het toestande vererger, maar in baie gevalle het die probleme lank voor die inperking bestaan en die pandemie het eenvoudig die gevolge van vorige, swak besluite versnel.

As voorbeeld, Truworths moes selfs meer van sy Office-bedrywighede in Brittanje afwaarts waardeer, met nog £131 mijoen wat afgeskryf is. Dít teenoor die £256 miljoen wat hy vir die onderneming betaal het. Ja, die pandemie het Office negatief geraak, en Truworths het nie die pandemie spesifiek blameer nie, maar die onderneming ploeter voort sedert dit in 2015 verkry is. Ek is veral op die uitkyk na die uiteensetting van bedrywighede vóór die inperking in Maart vergeleke met die drie maande gedurende die inperking.

Die naakte realiteit is dat selfs na agt maande van die pandemie, verkeer ons steeds in die donker oor baie goed, en die risiko’s is steeds besonder werklik totdat ons ’n wêreldwye bekendstelling van ’n entstof kry.

Nog beter as daar dan ook ’n bywerking is oor hoe die onderneming sedertdien tot einde June gevaar het. Mr Price het dít in sy handelsverklaring gedoen en sy verklaring verdeel in verkope vir die tydperk April, Mei tot 20 Junie en dan van 21 Junie tot 15 Augustus.

Die rede vir die afsnyding op 20 Junie is dat die gegewens reeds op Sens verskyn het, dus help dit beleggers om soort met soort te vergelyk. Verhoogde koste wat weens die pandemie aangegaan is, is ook op my waaksaamheidslys. Dit is in die vorm van persoonlike beskermingstoerusting vir personeel, veiligheidsmaatreëls vir klante en die moontlike ontwrigting van voorraadkettings.

Dit is tydelike kwessies, maar hulle sal in ’n verskillende mate vir die duur van die pandemie bly voortbestaan en sal ’n uitwerking op wins hê – hoewel dit van bedryf tot bedryf sal verskil. Ons kan egter verwag dat hierdie bykomende koste sal afneem namate die pandemie uiteindelik stoom verloor. Nog ’n gebied waarop ek my sal toespits, is maatskappye se vermoë om hul kostebasis, waar moontlik, te verlaag.

’n Maatskappy soos ’n hotelgroep sal sukkel om sy hoë vaste koste te verminder, maar talle ander maatskappye kan werklik hul koste laer bestuur, veral namate inkomste daal. Dit sal veral in bedryfsmarges weerspieël word. Hulle sal onder druk verkeer, maar daar moet veral gekyk word met hoeveel bedryfsmarges daal vergeleke met inkomste – en relatief tot die maatskappy se portuurgroep.

Indien twee maatskappye in dieselfde sektor albei ervaar dat hulle inkomste byvoorbeeld met 40% daal, maar die een maatskappy se bedryfsmarge daal met 50%, terwyl die mededinger s’n met 75% terugsak, sal die eersgenoemde maatskappy koste beslis beter bestuur.

Die naakte realiteit is dat selfs na agt maande van die pandemie, verkeer ons steeds in die donker oor baie goed, en die risiko’s is steeds besonder werklik totdat ons ’n wêreldwye bekendstelling van ’n entstof kry. Die meeste maatskappye sal egter oorleef en as ons dieper ondersoek na hul finansiële state instel, sal dit ons help om te verstaan watter die beste beleggingsopsies is – selfs al wag ons ietwat langer alvorens ons wel belê.

* Stuur 'n boodskap aan terugvoer@finweek.co.za


MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.