Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Prescient China Balanced Fund: Ry die Chinese herstel
5 November 2020

Die fonds beoog om kapitaalgroei te genereer en Chinese inflasie op lang termyn met 3% te klop. 

Wat sê die fondsbestuurder?

Die Prescient China Balanced Feeder-fonds belê hoofsaaklik in aandele op die vasteland van China (70,87% van batetoewysing), effekte (28,61%), geldmark en afgeleide instrumente met ’n aktiewe benadering tot batetoewysing.

Die fonds se doelwit is om kapitaalgroei te genereer en om China se inflasie op lang termyn met 3% te klop. Volgens Tian Pan, hoof van produkte en sake-ontwikkeling, verskil die fonds se aandelekeuseproses heeltemal van dié van gewone batebestuurders. “Ons gebruik gevorderde wiskundige modellering en tegniese faktore om ons keuse te maak.”

Prescient se oorwegings sluit in die keuse van ondernemings wat volgens die wiskundige modellering buitengewone gehalte bied, en goedkoop en stabiel is. Die modelle kyk nie net na die prestasie van afsonderlike aandele nie, maar ook na hoe hulle met mekaar meng as deel van ’n groter portefeulje van gewoonlik ten minste 150 aandele.

Op grond van die wiskundige ontleding en modellering kies hulle ’n portefeulje van aandele wat die beste kans het om die Chinese CSI 300-indeks konsekwent te klop. Die fonds se grootste belegging, Kweichow Moutai, is tans die wêreld se grootste distilleerder en die wêreld se waardevolste drankmaatskappy, nadat hy Diageo in April 2017 verbygesteek het.

Die maatskappy se aandeelprys het vanjaar skerp gestyg (meer as 20%, volgens data van Refinitv) en na nuwe hoogtepunte geklim. Die Internasionale Monetêre Fonds (IMF) voorspel dat China, waar die Covid-19-pandemie ontstaan het, die enigste groot ekonomie is wat vanjaar sal groei. Die ekonomie sal vanjaar na verwagting met 1,9% toeneem, teenoor 6,1% verlede jaar.

China se groei sal volgende jaar tot 8,2% versnel, skat die IMF. Wat die Chinese mark volgens Pan gehelp het, is dat die mark goedkoop begin word het weens al die slegte nuus uit die handelsoorlog tussen China en Amerika. Hy sê as ons kyk hoe die Chinese aandelemark tans geprys word, word die mark in vergelyking met sy eie geskiedenis steeds nie as duur beskou nie.

Daar is ’n gevoel dat huidige tendense in die toekoms kan voortduur. Hoewel die fonds instrumente besit wat in Hongkong genoteer is, hou hy verbasend genoeg geen Tencent-aandele nie. “Suid-Afrikaanse beleggers het reeds ’n groot blootstelling aan Tencent deur middel van Naspers*, daarom is dit dalk nie in hul belang om selfs nog meer Tencent te hou nie,” het Pan aan finweek gesê.

Waarom finweek dit sou oorweeg om hom by te voeg:

Afgesien van sterk opbrengste en gereelde beter prestasie as sy maatstaf, het die Chinese mark die potensiaal om oor die volgende marksiklus beter as die res van die wêreld te presteer. Aandele in die vasteland bied diversifiseringsvoordele vir Suid-Afrikaanse beleggers.

In teenstelling met ander Chinese produkte op die mark, is daar geen ‘toesluitings’ nie, wat beteken dat kliënte volle toegang tot hul geld het wanneer hulle dit nodig het.

* Stuur 'n boodskap aan terugvoer@finweek.co.za

* finweek is ’n publikasie van Media24, ’n filiaal van Naspers.

Meer oor:  Finweek  |  China  |  Beleggings  |  Fonds
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.