Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Simon se aandele-wenke
14 Mei 2021

Simon Brown is die stigter en direkteur van die beleggingswebwerf JustOneLap.com en ’n kenner van die aandeelmarkte. In dié rubriek deel hy sy insigte in van die onlangse groot gebeure op die markte.

PICK N PAY

Resultate goed

Pick n Pay se resultate vir die jaar geëindig Februarie, wat op 21 April uitgereik is, was alles oor die inperkings. Gevolglik was verkope van drank en tabak (hoëmargewinsartikels) 31% laer, wat die wins baie benadeel.

Afgesien hiervan, was sy resultate goed en die bedryfsmarge was ’n sterk 2,9% teen die agtergrond van die verlies aan hoëmargeverkope. Dit was uitvoerende hoof Richard Brasher se laaste stel resultate en hoewel die ommeswaai uiteindelik stadig begin het, beskou ek dit as ’n reusesukses.

Hy het nie net marges herwin nie, maar het ook die Boxer-handelsmerk, gefokus op lae-inkomste kopers, wat nou goed geplaas is as ’n kerndeel van die algehele besigheid, uitgebrei.


ALTRON

Goeie waarde

Altron het aangekondig dat hy Law Trust Third Party Services van die genoteerde Etion sal verkry vir ’n maksimum bedrag van R245 miljoen. Dit is om twee redes belangrik. Eerstens het Etion drie jaar gelede slegs R104 miljoen daarvoor betaal.

Tweedens is Etion se markkapitalisasie net meer as R200 miljoen. Dit wys op die waarde in plaaslik genoteerde kleinkapitalisasie-maatskappye as hulle ’n enkele bate vir meer as die waarde van die maatskappy kan verkoop.


ADAPT IT

Beleggers wil daar bly

Die Volaris-groep het 650c kontant per aandeel vir Adapt IT aangebied, en tog verhandel laasgenoemde met die skryf hiervan teen net minder as 700c per aandeel.

Volumes is nie groot nie, maar is bo die gemiddelde daaglikse volumes wat ons gesien het voor die kontantaanbod. My aanvanklike gedagte was dat een van die groter aandeelhouers miskien aankoop om die transaksie stop te sit, want 75% van die aandeelhouers moet die aanbod goedkeur.

Die enigste groot aandeelhouer wat dit kan doen, is Blacksheep Master Fund, wat egter reeds gesê het hy gaan ten gunste van die transaksie stem.

Aangesien jy kan kies om jou aandele in die ongenoteerde onderneming te behou, neem ek aan dat dit beleggers is wat daar wil bly en wat nou meer as die aanbodprys moet betaal om aandele te kry.


SASOL

Te min te laat?

Sasol het met Air Liquide ooreengekom om ’n groot 600 MW-aanleg vir hernubare energie naby Secunda te bou om in sy kragbehoeftes te voorsien. Dit is ’n wonderlike idee, maar hy moes dit al ’n dekade gelede gedoen het.

Stel jou voor Sasol het ’n reuse-aanleg vir hernubare energie gebou eerder as om meer as $10 miljard aan die Lake Charles Chemical Plant te bestee. Exxaro kon dieselfde gedoen het en nie meer as R6 miljard vermors het om ystererts in Sentraal-Afrika te probeer myn nie.

Vir albei maatskappye is besoedeling ’n groot risiko vir hul ondernemings én hul aandeelhouers. ’n Stap in die rigting van groen- hernubare energie sal baie help om besoedelingsvrese te besweer.


PSG

Geleentheid vir beleggers

PSG het sy finansiële resultate vir die jaar geëindig Februarie op 20 April bekend gemaak. Die resultate was beter met die verminderde Capitec*-belang, aangesien die ander bates nou gewig dra in die som-vandie-dele-waardasie (SVDD-waardasie).

Die diskonto was gemiddeld ongeveer 15% tot 20%, en soms het PSG bo die SVDD verhandel, maar die markte het besluit om hierdie beheermaatskappye laer te prys.

PSG Konsult is die grootste belegging teen 35% van die totale batewaarde, en PSG Alpha is tweede met 18%. Laasgenoemde hou PSG se nuwe ondernemings wat, soos met Curro, hopelik eendag genoteer kan word. Die SVDD is net meer as R100, en die aandeel verhandel teen 30% diskonto op die waarde. Ons sien groter diskonto’s op netto batewaardes in bykans alle beheermaatskappye.

Die diskonto was gemiddeld ongeveer 15% tot 20%, en soms het PSG bo die SVDD verhandel, maar die markte het besluit om hierdie beheermaatskappye laer te prys. Vir beleggers bied dit wel ’n geleentheid, maar dit is belangrik om te probeer verstaan waarom die diskonto bestaan.

Soms is dit weens waardasies, koste of bloot die bates wat gehou word. Geeneen hiervan is eintlik ’n probleem vir PSG nie.


THARISA

Vraag bly hoog

Tharisa se produksiehandelsverslag vir die tweede kwartaal, wat op 13 April uitgereik is, is veral opmerklik vir die mandjieprys wat hy vir sy platinumgroepmetale (PGM’e) ontvang. Vir die kwartaal geëindig Maart het hy $1 239 per ons vir platinum ontvang, $2 630 vir palladium en $27 823 vir rodium.

Teen hierdie pryse is al ons PGM-myne sterk winsgewend met Sibanye-Stillwater miskien die beste, aangesien hy palladiumbedrywighede van die Kanadese besigheid het en platinum plaaslik. Alle PGM-myne produseer ’n bietjie rodium, maar hoogstens 10%.

Die Tharisa-handelsverslag meld ook dat die vraag hoër as die aanbod bly, nie veel nie, maar genoeg om pryse nog ’n jaar of twee op ’n verhoogde vlak te hou, met die veronderstelling dat die vraag nie sal verander nie.

Die aanbod sal stadig toeneem namate myne meer produksie aanlyn bring, maar die vraag na PGM’e as ’n groenalternatief vir skoner voertuiguitlaatgasse kan die balans in plek hou.


KAROOOOO

Kyk maar fyn

Karooooo (ja vyf o’s) het as Cartrack gedenoteer en is nou terug op die JSE deur ’n sekondêre notering plaaslik en ’n primêre een op Nasdaq. Ek het vroeër vanjaar gewaarsku dat Cartrack teen waansinnige pryse verhandel, aangesien hy vir ’n kort tyd 9 000c per aandeel gehaal het, toe ek ongeveer 5 000c as billike waarde beskou het.

Karooooo is gelyk aan tien Cartrack-aandele. Dit kom neer op 'n waarde van R500 en nadat sommige makelaars die 10:1-verhouding nie verstaan het nie en die aandeel teen sowat 5 500c verhandel het, is die prys nou meer as R600.

Dit is effens hoër as my waardasie, maar heelwat minder as die oordrewe verwagtinge wat die prys 50% hoër as die huidige pryse gedruk het. Die punt hier is om uiters versigtig te wees met die oordrewe aankondigings soos ’n “Nasdaq-notering”. Dit is belangrik, maar nie belangrik genoeg om ’n verhoging van 50% te regverdig nie, en waardasies maak op die ou einde altyd saak.


Amerikaanse inflasie

Inflasiedruk bou op

Amerikaanse inflasie vir Maart was 2,6%. Die basis-effek het eers ná Maart verlede jaar begin toe inflasie gedaal het toe Amerika se inperkings begin het. Belangriker was kerninflasie wat energie en voedsel uitsluit, en dit was 1,6% vir Maart.

Dit is dié syfer wat die Federale Reserweraad fyn dophou, maar daar moet nog ’n tydjie vir koersverhogings in Amerika gewag word, waarskynlik tot volgende jaar op die vroegste.


MEDICLINIC

Nog nie uit gevaar nie

Mediclinic se handelsverslag op 16 April het ’n belangrike opmerking bevat oor die vrese vir ’n derde golf van die pandemie in Europa, selfs al is die kontinent besig om entstowwe beskikbaar te stel. Die punt is dat hoewel ons die einde van die pandemie kan sien, die gevaar nog nie verby is nie, en baie ondernemings sal weer ’n knou kry wanneer (of as) ’n derde golf toeslaan.

Ek was om hierdie rede versigtig met heropening van besighede plaaslik. Baie aandele in die bedryf het goed gevaar, maar volledige opening plaaslik sal eers volgende jaar plaasvind, wat waardasies tans aan die duur kant maak.

Die punt is dat hoewel ons die einde van die pandemie kan sien, die gevaar nog nie verby is nie, en baie ondernemings sal weer ’n knou kry wanneer (of as) ’n derde golf toeslaan.


CAPITEC

Grootste dividend ooit

Capitec* het sy finansiële resultate vir die jaar tot einde 28 Februarie op 13 April uitgereik. Die bank se resultate was uitstekend, soos die voljaardividend van 1 600c per aandeel wys.

Dit is die grootste dividend wat hy nog ooit betaal het en wys die direksie se vertroue. Die wesensverdienste per aandeel (WVPA) vir die hele jaar is 3 966c, ’n daling van 27%. WVPA vir die tweede helfte van die jaar was egter 3 404c, met ander woorde ’n groot herstel. Maar WVPA vir Capitec se 2020-boekjaar, wat Februarie verlede jaar geëindig het, was 4 577c, dus is hy weer op die groeipad.

Die koste-tot-inkomste-verhouding was 41%, en dit lyk asof dit stabiliseer, hoewel ek steeds dink dat dit ’n paar persentasiepunte kan styg, wat hom op ongeveer 10 persentasiepunte onder die ander groot plaaslike banke se koste- tot-inkomste verhoudings sal hou.


EOH

Baie beter

Die IT-maatskappy EOH het sy tussentydse resultate tot 31 Januarie op 14 April bekend gemaak. Die belangrikste punt in dié resultate is dat hy sy probleme uitgesorteer het en nou groeivooruitsigte het ná jare van gesukkel.

Simon Brown is die stigter en direkteur van die beleggingswebwerf JustOneLap.com en ’n kenner van die aandeelmarkte. In dié rubriek deel hy sy insigte in van die onlangse groot gebeure op die markte.

Hy het ’n bedryfswins behaal, ’n beskeie R59 miljoen, maar baie beter as die verlies van R950 miljoen in die vorige tydperk. WVPA het ’n verlies gebly, maar dit kan tot ’n wins verbeter vir die volle jaar geëindig op 31 Julie.

* Stuur 'n boodskap aan terugvoer@finweek.co.za

*Die skrywer het aandele in Capitec en Sibanye-Stillwater.

* Foto’s: Shutterstock, Argief

Meer oor:  Finweek  |  Beleggings  |  Aandele
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.