Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Simon se wenke
18 April 2019

Foto: Shutterstock

Clover

Mooi en maklike wins

Die denotering van Clover is deur aandeelhouers goedgekeur. Brimstone oorweeg steeds sy opsies – maar ek vermoed hy sal deelneem. Die denoteringsprys is 2 500c – dit sal waarskynlik in die laaste kwartaal van die jaar plaasvind.

Tans is die aandeelprys sowat 2 300c met die verskil tussen dit en die denoteringsprys die gevaar dat die transaksie sal inmekaarsak en die tydwaarde van geld. As jy glo die transaksie sal deurgaan, bied enige swakheid ’n lekker maklike wins van ongeveer 10% in minder as ’n jaar.

Calgro M3

Eerder laat as nooit

Calgro M3 is ’n aandeel waaruit ek my goed (bo 2 000c in Desember 2015) én sleg onttrek het toe ek my oorblywende besit laat verlede jaar verkoop het.

Die jongste handelsverslag vir die jaar tot einde Februarie toon dat hy baie moeilike handelstoestande ervaar – deel daarvan sy eie skuld en ander nie (aangesien eiendomme onwettig beset is). Die les hier is wanneer jy verkoop, verkoop. Om ’n deel terug te hou vir “in geval” is nooit ’n goeie idee nie.

Die aandeel kan óf styg, in welke geval jy dit nog moet besit, óf daal en in dié geval moet jy dit heeltemal verkoop het. Dit is egter nooit te laat om ’n fout reg te stel of te verkoop nie. Met Calgro nog 50% laer nadat ek verlede jaar verkoop het, was selfs laat beter as nooit.

Consolidated Infrastructure Group

Tekens van tawwe stryd

Consolidated Infrastructure Group het ernstige skulddruk ervaar, en ’n jaar gelede het sy uitleners ’n kwytskelding uitgereik waarvolgens die groep die situasie voor einde Maart vanjaar moes oplos.

Dit is nou tot einde April uitgestel. ’n Ekstra maand is behulpsaam, maar dit toon Consolidated se uitdaging oor die afgelope jaar om “ ’n meer permanente finansieringstruktuur” te probeer in werking stel.

Die kwytskelding beteken dat die uitleners nie die ineenstorting van die maatskappy wil sien nie, maar dit is ook duidelik dat Consolidated ernstige probleme het.

Naspers

Amsterdam se impak op die JSE

Naspers* het sy volgende plan aangekondig om aandeelhouerswaarde te ontsluit. Die eerste was die ontknoping van MultiChoice, wat beslis vir beleggers gewerk het. Nou is hy van plan om ’n belang van 25% in sy nie-Suid-Afrikaanse bates op die Euronext Amsterdam te noteer.

Daar word vermoed dat dit sal help om die diskonto op die werklike Tencent-aandeelprys en -waarde te verminder, wat soms so hoog as 40% was, terwyl die ander bates teen nul gewaardeer is.

Amsterdam sal ’n groter mark bied om in te belê, aangesien baie batebestuurders weens mandaatbeperkings nie in ’n ontluikende mark kan belê nie. Dit behoort dus te help om die diskonto te verminder. Dit sal natuurlik ’n uitwerking op hul gewig in plaaslike indekse hê.

Die JSE weeg aanvanklik insluiting in die indeks deur plaaslike aandeelhouding te gebruik, wat vir Naspers tans 100% van markkapitalisasie is, aangesien die aandeel tans slegs in Suid-Afrika genoteer word. Maar nóg ’n bielie, British American Tobacco, het byvoorbeeld ’n klein gewig van ongeveer 2% van markkapitalisasie in die Top40 weens die klein besit deur Suid-Afrikaanse beleggers.

Aangesien buitelandse aandeelhouers Naspers in Amsterdam koop, sal dit die 100%-gewig in die indeks verminder en mettertyd sal Naspers se oorgewig in plaaslike indekse daal.

Purple Group

Perke op die prys

Purple Group, eienaars van Easy Equities, verander sy naam na Easy Investment Holdings om sy kernbesigheid beter te weerspieël. Vir aandeelhouers beteken dit geen verandering nie, behalwe dat daar ’n nuwe naam en kode op jou portefeuljebladsy sal verskyn.

Van belang egter is dat daar ’n groot verkoper teen 29c bly, wat aanvanklik teen 30c was. Dit het die aandeelprys sedert Januarie verlede jaar beperk.

Dis egter van belang dat daar ’n groot verkoper teen 29c bly, wat eers teen 30c was.

Dit het die aandeelprys sedert Januarie 2018 beperk, en dit gaan nie verander totdat die verkoper ophou verkoop nie. En ons het geen idee wanneer dit sal wees nie.

Astoria

Geen werklike geleentheid nie

Astoria het aandeelhouersgoedkeuring gekry vir die gedeeltelike afwikkeling van die onderneming met ’n kontantoorbetaling aan aandeelhouers van 1 282c vir diegene wat die aandeel by kantoorsluiting op 23 April besit.

Ná hierdie uitbetaling sal Astoria ’n paar illikiede private aandele besit wat ongeveer 6% van die verklaarde netto batewaarde (NBW) beloop. Aan die einde van Februarie was die NBW $1,12.

Die private ekwiteit is dus net minder as $0,07 of sowat 100c werd. Teen ’n huidige aandeelprys van sowat 1 370c word hy dus korrek geprys, en hoewel die private aandele dalk aantreklik lyk, sal hul gebrek aan likiditeit ’n uitdaging wees. Ek dink nie daar is ’n ernstige geleentheid vir beleggers hier nie.

KAP Industrial

Die lewe ná Steinhoff

Steinhoff het sy 26%-belang in KAP Industrial Holdings verkoop en het nou geen belang in die maatskappy nie. Die 26%-aandeelhouding het in werklikheid geen impak gehad op KAP se besigheid nie; aangesien KAP altyd as ’n afsonderlike entiteit bedryf was.

Maar beleggers was bekommerd oor die verkoop van die 26%-belang en die potensiaal om die aandeelprys af te druk. Ek sou beslis sê dat dit wel tot ’n mate gebeur het, met KAP wat meer as 20% laer is sedert Steinhoff in Desember 2017 ontplof het. Met die Steinhoff-belang wat nou verkoop is, kan KAP sonder hierdie bekommernis voortgaan.

ELB Group

Kontant nie altyd koning

As ’n maatskappy resultate ná besigheid op ’n Vrydag publiseer, trek dit altyd my aandag. In die geval van die ELB Group is die resultate vir die ses maande tot einde Desember afgryslik.

Simon Brown is die stigter en direkteur van die beleggingswebwerf JustOneLap.com en ’n kenner van die aandeelmarkte. In dié rubriek deel hy sy insigte in van die onlangse groot gebeure op die markte.

Die wesensverdienste per aandeel (WVPA) toon ’n verlies van 817c ná ’n wins van 158c vir die vorige jaar. Die hoofprobleem was ’n sinkprojek in Gamsberg, waar daar verliese was. Hulle kan van die verliese dalk deur versekeringseise verhaal – maar daar is geen sekerheid nie.

Hulle het ook ander kleiner probleme. Hoe ook al, netto batewaarde (NBW) het van 2754c tot 890c getuimel met kontant af van R318 miljoen tot R194 miljoen. Ek het altyd gehou van hul stapel kontant, veral toe dit ongeveer ’n derde van die markkapitalisasie was. Maar nou, met ’n markkapitalisasie van sowat R180 miljoen, verhandel hy onder die kontantbesit.

’n Jaar gelede was die aandeel sowat 2 200 sent, en nou is dit 550 sent. Kontant is beslis koning en dikwels ’n rede om te belê. Maar dit moet nie die enigste rede wees om te belê nie, want die kontant kan verdwyn weens bedryfsprobleme (soos met ELB).

In baie gevalle verdwyn die kontant dikwels geleidelik, sodat die belegger sit met ’n belegging wat sy glans verloor het – as die hoofrede vir die belegging die kontanthoop was.

EOH

Te veel probleme

EOH se aandeelprysellendes duur voort met die aandeel wat die eerste keer sedert 2010 kortliks teen minder as 1 000c verhandel het. Dit het daartoe gelei dat baie mense my gekontak het en gevra het of dit nou ’n koopgeleentheid is.

Die antwoord is nee. Eerstens sê ’n ineenstorting van die aandeelprys (van meer as R180 in Augustus 2015) aan ons dat iets op die oomblik ernstig verkeerd is, en ons is nie presies seker wat die probleem is nie.

Ja, hy was te hoog teen R180, en ons weet dat Microsoft sy vennootskapskontrak gekanselleer het en die interne ondersoek eers einde Mei gereed sal wees. Maar om nou te koop sal regtig ’n waagstuk wees.

Laastens kan hulle nie meer hul aandele gebruik om ’n besighede aan te koop nie, want niemand wil ’n ineengestorte aandeel in plaas van kontant hê nie.

Ons het geen idee wat die probleme is nie (of hoe diepgaande hulle sal wees nie). Boonop, soos ek voorheen gesê het, beteken die ineenstorting van die aandeelprys dat baie mense wat ’n besigheid aan EOH verkoop het en aandele ontvang het, baie ongelukkig is omdat hul aandele baie minder werd is as toe hulle uitgereik was.

Dit beteken basies dat hulle minder ontvang het vir die verkoop van hul besigheid aan EOH. Laastens kan hulle ook nie meer hul aandele gebruik om besighede aan te koop nie, want niemand wil ’n ineengestorte aandeel in plaas van kontant hê nie.

Daar is dus baie probleme, en terselfdertyd weet ons eintlik baie min. Ek beskou hom dus nie as ’n aandeel waarin ’n mens moet belê nie.

Meer oor:  Finweek  |  Simon Se Wenke
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.