Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Talle opsies in die buiteland, maar . . .
25 Julie 2019

In die lig van die plaaslike mark se prestasie, is dit verstaanbaar dat beleggers hulle tot die buiteland wend. Maar om die JSE heeltemal uit te sluit, is nie ’n goeie plan nie. 

Kom ons bespreek die olifant in die vertrek. Teen dié tyd weet ons almal dat die Suid-Afrikaanse aandelemark (FTSE/JSE se indeks van alle aandele of JSE) die afgelope vyf jaar ’n moeilike tyd agter die rug het.

Oor hierdie tydperk (tot einde Junie 2019) het die JSE gesukkel om met die opbrengste van die geldmark en inflasie tred te hou. En met ’n algehele opbrengs van 5,85% per jaar, het hy ook erg onderpresteer vergeleke met die MSCI All Country World Index (ACWI, 12,3% per jaar in rand) en die S&P 500 (17,1% per jaar).

Schalk Louw is ’n portefeuljebestuurder by PSG Wealth.

As ons egter die horlosie effens verder terugdraai, kry ons wel meer perspektief. Wanneer ons oor die afgelope 15 jaar na dieselfde aandelebeurse kyk, sien ons dat die ACWI en die S&P 500 sedert 2004 onderskeidelik 12,9% en 14,9% in opbrengste per jaar opgelewer het.

Vergelyk dit met die JSE se 15,7% oor dieselfde tydperk en ons sien hoekom dit gevaarlik is om die JSE heeltemal uit ’n beleggingsportefeulje te laat. En nog belangriker, dit wys ons ook hoe naby die totale opbrengs in rand was vergeleke met buitelandse markte.

Nie net sou ’n kombinasie van plaaslike en buitelandse aandele jou so te sê dieselfde opbrengste gelewer het as ’n individuele belegging in buitelandse aandele nie, maar dit sou jou ook ’n stabieler inkomste gebied het.

Ek hou daarvan om verskillende indekse te ontleed omdat dit uitdagende insigte bied, en ek het dit in die grafiek gedoen. Om jou geld direk oorsee te neem, is nie jou enigste keuse nie.

Kry so blootstelling

Jy kan blootstelling kry deur middel van rand- gedenomineerde fondse wat ten volle in die buiteland belê is (of selfs multibate-fondse met ’n mate van buitelandse blootstelling).

Hierdie roete is selfs toegankliker, en die meeste van die beleggings wat jou hierdie tipe blootstelling kan bied – soos effektetrusts en beursverhandelde fondse – het ’n minimum maandelikse beleggingsvereiste van ongeveer R500.

Jy kan blootstelling kry deur middel van rand- gedenomineerde fondse wat ten volle in die buiteland belê is (of selfs multibate-fondse met ’n mate van buitelandse blootstelling).

As ons die gemiddelde jaarlikse inflasiekoers van 5,6% sedert 2004 in berekening bring, is dit ongeveer gelyk aan ’n maandelikse belegging van R220 in 2004.

Indien jy R220 per maand onderskeidelik op die JSE en die S&P 500 belê het, sou jou belegging van R79 200 oor hierdie tydperk vandag ongeveer R267 300 (koste uitgesluit) werd wees.

Ons beleggingswêreld het opgegaan

Talle beleggers bly miskien weg van buitelandse beleggings omdat hulle meen die proses van buitelandse belegging is te ingewikkeld, maar die waarheid is dat ons beleggingswêreld oor die afgelope (net meer as) twee dekades heelwat oopgegaan het. Tot Julie 1997, kon Suid-Afrikaners hoofsaaklik net plaaslik belê.

In Maart 1997, het die destydse minister van finansies aangekondig dat individue ouer as 18 jaar wie se belasting in orde was tot R200 000 in die buiteland kon belê.

Dit was nie veel nie, en die administratiewe proses om die belastingklaring destyds te kry, het dit nouliks die moeite werd gemaak. Vandag, 22 jaar later, word ons toegelaat om aansoek om belastingklaring te doen om ’n maksimum van R10 miljoen per kalenderjaar in die buiteland te belê.

Belastingklaringproses

Daarbenewens is die belastingklaringproses vandag baie eenvoudiger, en individue kan nou tot R1 miljoen in die buiteland belê sonder om ’n klaringsertifikaat te kry.

Die belastingklaringproses is vandag baie eenvoudiger, en individue kan nou tot R1m. in die buiteland belê sonder om ’n klaringsertifikaat te kry.

Dit is dus nie moeiliker om in die buiteland te belê as wat dit is om plaaslik te belê nie, en dis net so maklik om jou prestasie te moniteer. Om in die buiteland te belê, is vandag ’n veel makliker opsie, en die opbrengste wat dit bied, kan nie buite rekening gelaat word nie. Maar soos ek al dikwels genoem het; dis nie wys om al jou geld op een perd te verwed nie.

Ek kan verstaan hoekom beleggers pessimisties is oor ons plaaslike mark. En hoewel historiese prestasie nie toekomstige prestasie waarborg nie, kan ’n kombinasie van plaaslike en buitelandse beleggings jou ’n goeie, stabiele opbrengs bied.

Dus moet jy, saam met die insette van jou adviseur of portefeuljebestuurder, sorgvuldig oorweeg watter keuses binne jou risiko-profiel vir jou beskikbaar is.

Meer oor:  Finweek  |  Buitelandse Beleggings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.