Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Traction Capital in vyf jaar lange styging-tendens
20 Februarie 2020

Transaction Capital se aandeelprys het sedert sy notering in 2012 met 353% gestyg teenoor die FTSE/JSE se indeks van alle aandele, wat op sy beurt met 114% gestyg het.

’n SA Taxi-werkswinkel in Midrand, Gauteng. Foto: www.sataxi.co.za

Dit het die maatskappy se markwaarde tot meer as R15 miljard opgestoot. Die aandeel het by die skryf hiervan sedert begin vanjaar met 19,74% gestyg en aansienlik beter as alle plaaslike aandeelmaatstawwe gevaar. Ontleders dek die aandeel nie so wyd soos die grootkapitaal-maatskappye nie, maar volgens Bloomberg het hy ’n teikenprys oor 12 maande van R24,22.

Positiewe vooruitsigte

Ek reken die aandeel sal vanjaar bly styg en nuwe algehele hoogtepunte bereik, gesteun deur sterk fundamentele en tegniese faktore. Fundamentele konteks Transaction is ’n finansiëledienste-groep wat nie deposito’s neem nie en in gespesialiseerde uitleen-, krediet- en betalingsdienste bedrywig is.

Die maatskappy het 4 662 werknemers en werk deur twee afdelings: SA Taxi, wat ontwikkelingsfinansiering, versekering en ander dienste aan die minibustaxibedryf bied, en Transaction Capital Risk Services, wat ’n tegnologie- en datagedrewe werkswyse op die kredietverkryging-en-bestuursektor toepas.

Bly in ’n lang posisie in Trasaction Capital wanneer ons bo R21 is. As pryse aanhou styg – waarop die tegniese agtergrond dui – moet ’n mens die keerverlies in navolging verhoog, met ’n wisselvalligheidskeerverlies om stygings te beskerm en winste voort te sit.

Die sakemodel is hoogs verdedigend en kan moeilike ekonomiese toestande deurstaan. Dít blyk uit die wins van R787 miljoen en kontant van R538 miljoen vir die boekjaar tot September 2019.

Die wesensverdienste vir die jaar was 18% hoër en die dividend per aandeel 22% meer, en die wesensverdienste per aandeel het die afgelope vyf jaar ’n saamgestelde jaarlikse groeikoers van 20% behaal, terwyl hy sowat R950 miljoen se ongebruikte kapitaal het.

Resultate

Dié resultate beïndruk ’n mens in die lig van die plaaslike bedryfsomgewing van lae ekonomiese groei, lae sake- en verbruikersvertroue, ’n hoë werkloosheidskoers en hoë huishoudelike skuldvlakke. Die maatskappy het 18,4% van sy aandele in buitelanders se hande, en die aandeel verhandel teen ’n prys-verdienste-verhouding van 21,86, met ’n dividendopbrengskoers van 2,37% by die skryf hiervan.

Tegniese vooruitsigte Nadat hy in 2012 teen sowat R5 genoteer het, het die prys tot 2014 nie veel verander nie, maar toe met die stygtendens begin wat vanjaar nog voortduur. Die stygtendens word gekenmerk deur kort tydperke van konsolidasie, gevolg deur sterk lopies, soos aangedui op die grafiek.

Sedert die aandeelprys in 2014 uitgebreek het, toon dit sterk momentum en relatiewe sterkte tydens dié lopies, en die prys behaal hoër hoogtepunte en hoër laagtepunte bo ’n 200-daagse bewegende gemiddelde met ’n opwaartse helling.

Daarby word die indeks van relatiewe sterkte weekliks en daagliks oorkoop (70-vlak) tydens lopies en bly bo oorverkoop (30-vlak) tydens dalings. Kom ons ontleed wat dit beteken en hoekom dit belangrik is. As tegniese ontleders is dit eerstens ons werk om die rigting van die primêre tendens te identifiseer.

Stygtendens 

’n Stygtendens se definisie is ’n reeks hoër hoogtepunte en hoër laagtepunte, wat impliseer dat kopers se vraag na die maatskappy se aandele in die mark groter is as die voorraad wat verkopers aanbied.

Ons voeg gelykmakingsmeganismes, soos die 200-daagse bewegende gemiddelde, by om ’n duideliker tendenssein te kry. Uitvoerige empiriese werk is al gedoen oor die gebruik van bewegende gemiddeldes om opbrengste te vergroot.

Daarby gebruik ons die indeks van relatiewe sterkte, wat ’n verhouding tussen nul en 100 is en deur J.Welles Wilder jr. ontwikkel is, om te meet hoe sterk of swak ’n bate se prysveranderinge is.

Kortom, wanneer ’n aandeelprys sterk momentum toon, sal die indeks oorkoop word tydens lopies (>70) en tydens terugsakkings bo die oorverkoopvlak bly (>30).

Kortom, wanneer ’n aandeelprys sterk momentum toon, sal die indeks oorkoop word tydens lopies (>70) en tydens terugsakkings bo die oorverkoopvlak bly (>30). In dié geval is die prysbeweging, primêre tendens en momentum almal ten gunste van ’n lang posisie.

Die aandeel se prys vorm sedert Julie verlede jaar ’n bulvlagvoortsettingspatroon, met ’n daling van 10%, of R2,30, tussen Augustus 2019 en Januarie vanjaar. Dié formasie word gekenmerk deur ’n tydperk van sterk prysstygings, wat gevolg word deur vlak dalings vanaf die hoogtepunt voordat die stygtendens voortgesit word.

Dit gee vir ons duidelike risikoparameters vir verhandeling, byvoorbeeld om ’n lang posisie in Trasaction Capital te behou wanneer ons bo R21 is.

As pryse aanhou styg – waarop die tegniese agtergrond dui – moet ’n mens die keerverlies in navolging verhoog, met ’n wisselvalligheidskeerverlies om stygings te beskerm en winste voort te sit.

  • Stuur 'n boodskap na terugvoer@finweek.co.za
  • Samuel Feinstein is die adjunkbeleggingshoof van Definitive Capital Management.

Meer oor:  Finweek  |  Traction Capital
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.