Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Verwag wisselvalligheid in 2019
20 Desember 2018

Dit is nie beslis nie die mooiste storie nie. Staatmakers soos Tiger Brands, British American Tobacco (BAT), Aspen, Mediclinic en NEPI Rockcastle het vanjaar meer as 40% in waarde verloor.

MTN het 36% verloor, Richemont en Naspers* 20%. Growthpoint, Remgro en Vodacom het almal met 14% gedaal; Redefine het 10% afgestaan.

Swak prestasies

Dié negatiewe prestasies verduidelik die vertoning van die JSE se indeks van alle aandele, 13% laer aan die begin van Desember, of 10 000 punte onder sy hoogtepunt in Januarie.

Pryse het aansienlik gedaal weens die streng Amerikaanse Federale Reserweraad (Fed), spanning in handelsverhoudings tussen Amerika en China, en plaaslike politieke en ekonomiese uitdagings.

Die oorheersende gevoel is dat die goeie tyd verby is. Dat die buitengewone dekade van goedkoop geld uiteindelik tot ’n einde gekom het. Gewoonlik sal laer waardasies kopers oortuig om weer die mark te betree.

Dié negatiewe prestasies verduidelik die vertoning van die JSE se indeks van alle aandele, 13% laer aan die begin van Desember, of 10 000 punte onder sy hoogtepunt in Januarie.

Maar dié keer is daar huiwering om tydens die daling te koop, die kenmerk van ’n beermark. Vertroue is daar nie. Vrees wel.

Die fokus is op die negatiewe. Positiewe katalisators is maar min. Alle aanduidings is dat beleggers hulself weer moet voorberei vir ’n moeilike tyd volgende jaar, aangesien internasionale markte hul steeds aanpas by die nuwe realiteite.

Soms lyk dit asof die Fed sy streng houding effens gaan versag. Of dat ’n deurbraak met Amerikaanse en Chinese handelskwessies binne bereik is. En dat dalende internasionale BBP-groei, wat om China wentel, voorkom kan word.

Maarten Mittner is ’n vryskut- finansiële joernalis en markkenner.

Maar in die geheel lyk sekere dinge ongetwyfeld ’n werklikheid. Amerikaanse rentekoerse sal verder styg. Wall Street is op ’n hoogtepunt, met ’n Amerikaanse resessie wat in 2020 voorlê.

Chinese groei is nie op huidige vlakke volhoubaar nie.

Daar gaan nie ’n goeie Brexit wees nie. Wankelende groei in Duitsland sal die Europese Unie (EU) negatief raak. Suid-Afrika is in ’n politieke en ekonomiese moeras waaruit hy nie gou sal kom nie, ondanks president Cyril Ramaphosa en Tito Mboweni, die minister van finansies, se beste pogings.

Desondanks al die risiko’s weet almal egter dat toekomstige groei uit laer markte voortspruit. Daar is reeds tekens van waarde op die JSE, verrassend genoeg rondom hulpbronne, met Anglo American en BHP in positiewe terrein, ten spyte van die sterker dollar en die onbestendige olieprys.

En Sasol was op die golf van hoër oliepryse en ’n swakker rand, wat nou effens herstel.

Suid-Afrika is in ’n politieke en ekonomiese moeras waaruit hy nie gou sal kom nie, ondanks president Cyril Ramaphosa en Tito Mboweni, die minister van finansies, se beste pogings.

Koopgeleenthede in die Rupert-stal – Richemont, BAT en Remgro – sal dalk nooit weer op die huidige vlakke beskikbaar wees nie. BAT staan blykbaar voor strukturele veranderinge in die tabakmark, maar Remgro se hoop kontant van R15 miljard kan nie oor die hoof gesien word nie.

Teen ’n prys-tot-verdienste-verhouding (p/v) van 50, lyk Naspers dalk nie soos waarde nie.

Sy hoop kontant van $8,7 miljard kan mettertyd waarde ontsluit, ondanks beleggers se aandrang op die uitbetaling van groter dividende en versoeke dat die bestuur aandag moet skenk aan die maatskappy se multivlak-beleggingstruktuur.

Goeie nuus vir die toekoms 

Finansiële aandele soos Capitec en Discovery het aandeelhouers in die dalende mark beslis nie teleurgestel nie. Huidige waardasies weerspieël goeie nuus in die toekoms. Onthou nog hoe Capitec teen R200 as billike waarde beskou is.

Finansiële aandele soos Capitec en Discovery het aandeelhouers in die dalende mark beslis nie teleurgestel nie. Huidige waardasies weerspieël goeie nuus in die toekoms.

Hy verhandel tans teen meer as R1 000. Capitec se oplewing kan die ander luiaards in die sektor oplig, soos Absa; beleggersensiment dui aan dat Absa steeds nie die volle waarde van sy uitgebreide kliëntebasis benut nie. Die eiendomsektor het min eweknieë as dit kom by die ommekeer in sy prestasie.

Van die toppresteerder oor die afgelope dekade, waar hy selfs die indeks vir alle aandele uitgestof het, het dié sektor vanjaar met 25% gedaal.

Eiendomsaandele sal beslis baat by enige opswaai in die plaaslike ekonomie.

Aandeelhouers sal dit dalk nog in die toekoms berou dat hulle nie die huidige beleggingsgeleentheid benut het nie, waar gemiddelde opbrengste meer is as dié van die 10-jaareffek.

Probleme by Resilient gooi steeds ’n skaduwee oor die sektor, maar afgesien daarvan het baie min verander. Vukile, Fairvest en Equites het gewys hoe eiendomsmaatskappye geleenthede in ’n plat ekonomie kan gebruik.

Van die toppresteerder oor die afgelope dekade, waar hy selfs die indeks vir alle aandele uitgestof het, het dié sektor vanjaar met 25% gedaal.

Die verwagte afplatting van groei in die EU, terwyl die Europese Sentrale Bank die einde van sy versagtende maatreëls oorweeg, word weerspieël in huidige aandele, met MAS en Sirius wat steeds goeie groeivooruitsigte lewer.

Daar is steeds versigtigheid in die Britse eiendomsmark, ten spyte van aanduidings dat Hammerson en Capital & Counties die Brexit-uitdagings op ’n verantwoordelike manier aanpak.

Jou sak en jou gedagtes word beïnvloed

’n Potensiële samesmelting of oorname by Intu sal aandeelhouers bevoordeel, en die mark in die geheel. Die probleem met ’n beermark is dat dit nie net die sak raak nie. Dit beïnvloed ook jou gedagtes.

Beleggingsverliese is nooit ’n aangename ervaring nie. Daar is aanhoudend ’n gestoei tussen twee benaderings. Een van hulle sê daar is goeie redes waarom markte daal. En dat hulle sal aanhou daal.

Die tweede is dat die redes onredelik is, wat lei tot meer optimistiese opwaartse potensiaal. Uiteindelik sal markte ekonomiese realiteite weerspieël.

Dit is ’n belangrike verandering teenoor die verlede toe sentrale banke geneig was om koerse te verhoog, ongeag die korttermyngevolge

’n Mate van konsolidasie maak sin in ’n omgewing waar monetêre beleid genormaliseer word.

Maar dit hoef nie tot ’n ineenstorting te lei nie. Die groot pluspunt is dat sentrale banke wêreldwyd dié realiteit erken, met die Fed wat veral versigtig is om die Amerikaanse ekonomie sag te laat land.

Dit is ’n belangrike verandering teenoor die verlede toe sentrale banke geneig was om koerse te verhoog, ongeag die korttermyngevolge. Teen dié agtergrond sal beleggers die realiteit moet aanvaar dat hoë opbrengste volgende jaar onwaarskynlik sal wees.

Maar buitensporige pessimisme sal ook onvanpas wees. 

  • Stuur 'n boodskap na terugvoer@finweek.co.za
  • Maarten Mittner is ’n vryskut- finansiële joernalis en markkenner.
  • finweek is ’n publikasie van Media24, ’n filiaal van Naspers.
Meer oor:  Finweek  |  Opbrengste  |  Jse
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.