Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Volgfoute: Ken jou perke
7 November 2019
Foto: Shutterstock

Dit is wetenskaplik bewys dat geen twee mense presies dieselfde is nie. ’n Paar jaar gelede het ek en my gesin ’n reis deur die Klein Karoo onderneem. Behalwe dat dit een van die asemrowendste mooi plekke op aarde is, is dit ook bekend vir van die mooiste bergreekse ter wêreld.

Ons het ’n aand in Prins Albert deurgebring, met Oudtshoorn as ons volgende bestemming. Ons kon kies tussen twee moontlike roetes. Die eerste was die langer, maar vinniger roete oor Meiringspoort.

Die ander een was die korter, maar stadiger roete oor die Swartbergpas. Ten spyte van my vrou se vrees vir hoogtes, het ons dogters ons oortuig om die Swartbergpas aan te pak. Afgesien van die wonderlike natuurskoon en tegniese bestuursvaardighede, het ek een ding besef: Hoewel ons ons bestemming veilig bereik het, het sommiges die reis opwindend gevind.

As jy nie gemaklik is met groot onderprestasies teenoor die indeks vir alle aandele nie, kies eerder fondse met ’n verhouding van 5% of laer deur behoorlike kwantitatiewe en kwalitatiewe navorsing te doen.

Ander nie juis nie. Hierdie verskillende emosies is nie net van toepassing op adrenalien-belaaide uitdagings nie, maar ook wanneer individue tussen verskillende beleggingsopsies moet kies.

Kom ons gebruik twee verskillende aandeelfondsbestuurders as voorbeeld, waar albei vir dieselfde batebestuursonderneming werk, maar twee verskillende fondse bestuur.

Vir die een bestuurder (Fonds V in die grafiek) maak dit nie saak hoe ander aandele presteer nie. Hy het ’n spesifieke strategie waarvan hy nie afwyk nie, en hy glo dat hy in staat is om beleggers veilig na hul beleggingsbestemmings te bring.

Vir die tweede fondsbestuurder (Fonds E) is dit belangrik om binne die beperkings van iets soos die FTSE/JSE-indeks vir alle aandele te bly, en hy korreleer sy opbrengste baie meer met die opbrengste wat die indeks self lewer. Albei hierdie fondse (E en V in die grafiek) is aandeeltrustfondse, albei het ’n fondswaarde van R4 miljard of meer en albei het daarin geslaag om beter te presteer as die FTSE/JSE-indeks vir alle aandele volgens totale opbrengste (ná alle koste) oor die afgelope tien jaar – iets waaroor baie min fondse oor tien jaar in hierdie sektor kan spog.

Waarskynlik die grootste verskil tussen die twee fondse is die feit dat Fonds V nie net soms teenoor die indeks onderpresteer het nie, maar dat hy uiters negatiewe opbrengste gelewer het in tydperke wanneer die indeks positief gepresteer het.

Schalk Louw is ’n portefeuljebestuurder by PSG Wealth.

Maak dit Fonds V die verkeerde keuse? Of ’n slegte fonds in vergelyking met Fonds E? Glad nie. Dit is duidelik dat albei fondsbestuurders meer as in staat is om hul werk te doen; dit beteken net dat, soos in die geval van die Swartbergpas en my vrou se vrees vir hoogtes, sommiges die spanning van wisselvalligheid kan hanteer en ander nie.

Die belangrike vraag is: Hoe kan jy jouself tot die beste van jou vermoëns vir die gepaardgaande spanning voorberei voordat jy ’n belegging maak? Hoe moet jy kies tussen die gevaarliker roete oor die “Swartbergpas” of die meer gelyke en “veiliger” roete, veral as jy albei fondse se opbrengste aantreklik vind?

Vir my lê die antwoord in die volgfout. Die finansiële term, volgens Investopedia, vir hierdie verhouding word omskryf as “die verskil tussen die prysgedrag van ’n posisie of ’n portefeulje en die prysgedrag van ’n maatstaf”. Die volgfout word gewoonlik as ’n persentasie uitgedruk.

Hoe hoër die volgfout, volgens historiese data, hoe hoër kan die moontlike afwyking wees in vergelyking met die toepaslike maatstaf. As ons die plaaslike algemene aandeletrusts as voorbeeld gebruik – met hul huidige gemiddelde driejaarvolgfout van 5,9% – beteken dit dat hierdie fondse 5,9% beter of swakker as die FTSE/JSE-indeks vir alle aandele kan presteer oor enige aaneenlopende 12-maandetydperk.

As jy nie gemaklik is met groot onderprestasies teenoor die indeks vir alle aandele nie, kies eerder fondse met ’n verhouding van 5% of laer deur behoorlike kwantitatiewe en kwalitatiewe navorsing te doen.

Vir diegene wat in die bestuur van die onderneming belê en wat nie juis omgee oor die opbrengste wat die indeks lewer nie, maak ’n volgfout van byna 19%, soos in die geval van Fonds V, glad nie saak nie. Beleggers wil almal dalk uiteindelik dieselfde bestemming bereik, maar dit bly van die uiterste belang dat jy die roete kies wat jou die beste pas om daar te kom, sodat jy jou vir die reis kan voorberei.

* Stuur 'n boodskap aan terugvoer@finweek.co.za

* Schalk Louw is ’n portefeuljebestuurder by PSG Wealth.

Foto: Shutterstock

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.