Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Wat om gedurende die Kersgety van die markte te verwag
6 Desember 2018

Dit is daardie onmiskenbare tyd van die jaar wat elke winkelkompleks ons met flikkerende ligte en versierings daaraan herinner dat Kersfees net om die draai is.

En met al die oordrewe reklame oor die feestyd is dit moeilik om nie self meegesleur te word nie omdat dit, per slot van rekening, die meeste mense se gunstelingtyd van die jaar is.

Mense is altyd op soek na redes waarom die mark styg of sak, maar baie van hulle laat die vakansiegees buite rekening. Wanneer ons kyk na die FTSE/JSE se indeks van alle aandele, het net 18 van alle Desembers (of 36%) oor die afgelope 50 jaar negatief geëindig.

Sedert Oktober 1968, het dit met 12% per jaar gegroei (dividende uitgesluit) en meer as een kwart van dié groei is net in Desembermaand behaal. En net soos enige ander historiese syfers is daar geen waarborg dat dié Desembervakansiesyfers toekomstige prestasie waarborg nie.

Wanneer ons kyk na die FTSE/JSE se indeks van alle aandele, het net 18 van alle Desembers (of 36%) oor die afgelope 50 jaar negatief geëindig.

Daarbenewens gaan dit ’n groot uitdaging wees met die politieke onrus in Suid-Afrika, Brexit en die skerp terugsakking van wêreldmarkte om dié jaar met die aandelemark op ’n positiewe noot te eindig. Al wat ek weet, is dat Kersfees om die draai is en ondanks die feit dat die FTSE/JSE se indeks van alle aandele steeds met 11% negatief is ten tyde van die skryf hiervan (21 November 2018), gaan ek beslis nie raai dat die mark Desember op ’n negatiewe noot gaan afsluit nie.

Schalk Louw

So positief as wat die historiese data oor die afgelope 50 jaar oor Desembermaande was, wanneer ek elke maand afsonderlik beskou, is dit nogal interessant dat oor ’n deurlopende tydperk van 12 maande (dit wil sê, van een Desember tot die volgende), dit ook die maand was wat die swakste van almal presteer het, ondanks die feit dat dit 64% van die tyd positief was.

As jy elke Juniemaand aandele gekoop het, sou jou deurlopende opbrengste oor 12 maande op hul beste gewees het. Meimaand, wanneer aandelemakelaars die meeste opdragte kry om te verkoop, het oor ’n deurlopende tydperk van 12 maande die tweede beste gevaar. Uit ’n statistiese oogpunt, blyk dit dat Desembermaande die meeste van die tyd positief is.

En ek wil nie verklaar dat die mark se onlangse terugsakking ’n tendens is wat waarskynlik na die volgende maand gaan deurvloei nie. Feit bly staan dat ons ons steeds in ’n uiters hoërisiko-omgewing bevind, en dié risiko’s kan nie buite rekening gelaat word nie. Benewens die negatiewe markgroei die afgelope jaar, lyk sake selfs slegter as jy na die data van die afgelope vyf jaar kyk.

Tot aan die einde van Oktober 2018, het die FTSE/JSE se indeks van alle aandele oor die afgelope vyf jaar swakker gevaar as die geldmark, wat aandui hoe uitdagend ons huidige markomgewing is. Persoonlik sien ek dat al hoe meer waarde uit ons plaaslike mark voortspruit en ek meen dat ’n ommeswaai enige oomblik kan plaasvind. Intussen, wees veilig en voorbereid omdat Kersfees net om die draai is. 

* Stuur 'n boodskap aan terugvoer@finweek.co.za

* Schalk Louw is ’n portefeuljebestuurder by PSG Wealth.

/
Meer oor:  Markte  |  Kersfees  |  Kersmarkte  |  Schalk Louw
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.