Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Wells Fargo hóés nog vir swak bestuur in die verlede
22 Oktober 2020

Wells Fargo was eens Wall Street se grootste bank en ’n gunsteling van Warren Buffett. Hy besit steeds 3% van die maatskappy. Op sy dag het Wells Fargo ’n markwaarde van meer as $300 miljard gehad, vandag is dit minder as $100 miljard. Die bank het verhandel teen ’n premie op sy tasbare boekwaarde; dit was die Wall Street-bank met die hoogste aanslag toe dit dié maatstaf gebruik het.

’n Skandaal het veroorsaak dat die bank sy premie-aanslag verloor het. Ná die finansiële krisis van 2008, het die bank begin om sy kruisverkoopsake te laat toeneem. Kruisverkoop is wanneer die bank sy toegang tot kliënte gebruik en talle produkte aan hulle kruisverkoop. Met die druk om kruisverkope te verhoog, het dié verskynsel uiteindelik die oorhand by die bank gekry en tot talle probleme gelei.

Personeel is goed beloon vir kruisverkope en gepenaliseer as hulle nie teikens bereik nie. Dit het tot kortpaaie gelei waar Wells Fargo se personeel uiteindelik rekeninge namens kliënte sonder hul medewete of toestemming geopen het. In September 2016, het Wells Fargo ’n boete van $185 miljoen betaal omdat 1,5 miljoen tjekrekenings geopen is en 500 000 kredietkaarte sonder kliënte se toestemming uitgereik is.

In Februarie 2020, het Wells Fargo met die Amerikaanse aandelebeursowerheid (SEC) en die Amerikaanse departement van justisie geskik en ’n boete van $3 miljard betaal. Weens die skandaal in 2018, is die bank deur die Amerikaanse Federale Reserweraad (Fed) verbied om bates van meer as $2 duisend miljard te besit.

Die meeste ontleders het verdienste van ongeveer $2 vir Wells Fargo geskat, wat die bank billik gewaardeer op $24 per aandeel laat.

Dit het daartoe gelei dat die bank sy bates in 2020 met $100 miljard moes sny (gewoonlik lenings aan kliënte) om te verhoed dat hy dié reël verbreek. Waarom sal iemand dan so ’n bank wil besit? Dis eenvoudig: dit lyk asof sake verander. Wells Fargo het ’n nuwe uitvoerende hoof en hy het ’n indrukwekkende CV.

Charles Scharf, uitvoerende hoof van Wells Fargo

Charles Scharf is die voormalige uitvoerende hoof van Visa (die kredietkaartmaatskappy) en hy was hoof van die kleinhandelsafdeling by JPMorgan Chase. JPMorgan se uitvoerende hoof, Jamie Dimon, het hom inderdaad gebruik om ondernemings reg te ruk en koste te besnoei. Dus is Scharf ’n persoon wat ervaring het in die omswaai van ondernemings.

Scharf het onmiddellik daarop gewys dat Wells Fargo se koste te hoog is. Die bank het die swakste doeltreffendheidsverhouding van die grootste Amerikaanse banke. Die doeltreffendheidsverhouding verwys na ’n bank se koste gedeel deur sy inkomste. Wells Fargo se finansiële hoof het onlangs gesê dat dit tussen twee en vier jaar sal neem om die uitlener meer in ooreenstemming met sy portuurgroep te kry met betrekking tot ’n doeltreffendheidsverhouding wat tot 57% daal. Scharf beoog om $10 miljard in koste te besnoei.

Die meeste ontleders plaas Wells Fargo se verdienste iewers in die omgewing van $2 per aandeel in ’n normale omgewing ná die Covid-19-pandemie. Wells Fargo het egter die vermoë om koste te besnoei – aangesien sy bestuurstruktuur bestuurders het wat heel spesifieke rolle vervul – en ’n beweging na ’n breër dekking sal die bank bestuursvlakke kan laat verminder.

Die meeste ontleders het verdienste van ongeveer $2 vir Wells Fargo geskat, wat die bank billik gewaardeer op $24 per aandeel laat. Drie faktore kan egter daartoe lei dat dié verdienste onderwaardeer word. Ons het reeds genoem hoe Wells Fargo die hoogste kostebasis het en indien die bank dié koste verminder, gaan dit alles ’n uitwerking op die wins hê. Die bank het reeds begin om party takke te sluit.

Die ander faktor is die bank se netto rentemarge. Netto rentemarge is die verskil tussen wat die bank betaal om toegang tot geld te kry om aan kliënte te leen en die rente wat op dieselfde geld verdien word. Die netto rentemarge het tot ’n historiese laagtepunt vernou. Basies, om die netto rentemarge te verbeter, moet die Amerikaanse langertermyn-rentekoerse styg en dit is beslis ’n moontlikheid aangesien talle ekonome die een of ander tyd volgende jaar ’n toename in inflasie voorsien, wat langertermynkoerse sal opstoot.

Dit sal Wells Fargo in staat stel om meer vir sy lenings te vra en hom dus meer laat verdien. Die derde faktor wat ons geïdentifiseer het, is terugkope. Aangesien Wells Fargo verhandel teen 60% van sy boekwaarde, is dit sinryk om aandele terug te koop. In 2019, het die bank aandele ter waarde van ’n enorme $25 miljard teruggekoop – dis 9% van die uitstaande aandele.

Die Fed het die terugkoop van aandele deur banke tot volgende jaar verbied, maar sodra dit hervat, verwag ons dat Wells Fargo weer aandele gaan terugkoop totdat die aandeel teen ’n redeliker waardasie verhandel. Onthou dat Wells Fargo vir die oorgrote deel van die vorige dekade teen twee keer sy boekwaarde verhandel het, dus is die huidige 0,6 keer ’n winskopie. Wat is die risiko’s?

In September 2016, het Wells Fargo ’n boete van $185 miljoen betaal omdat 1,5 miljoen tjekrekenings geopen is en 500 000 kredietkaarte sonder kliënte se toestemming uitgereik is.

Die pandemie het baie mense se lewensbestaan vernietig, en hoe langer inperkings gebruik word om te probeer om die verspreiding van die virus te bekamp, hoe meer mense gaan hul werk verloor. En mense wat sonder werk sit, betaal nie hul huisverbande nie. Dis waar ons ietwat minder het om ons oor te bekommer as in 2008. Amerikaanse banke en Amerikaanse verbruikers is in ’n veel beter finansiële posisie as in 2008.

Wells Fargo se leenkapitaal is tans slegs 10 teen 1 vergeleke met die 13 teen 1 in 2008; dis ’n veel beter posisie en behoort hom die res van die koronavirusskade aan die ekonomie te laat oorleef. Dus het ons basies ’n aandeel met ’n groot klantebasis, ’n goeie uitvoerende hoof en die moontlikheid om koste te besnoei en hoër verdienste te realiseer, wat teen 60% van sy boekwaarde verhandel.

Ons dink die mark het onderskat hoeveel koste by Wells Fargo besnoei kan word, en ontleders se ramings van $2,01 in verdienste vir 2021 is waarskynlik heelwat te laag. Ons verwag dat dié maatskappy teen 2022 tot minstens $4 van verdienste sal terugkeer, wat hom op ’n verwagte prys-verdienste-veelvoud van ongeveer ses keer sal plaas. 

* Foto’s: Gallo/Getty Images, Shutterstock

Meer oor:  Finweek  |  Beleggings  |  Wells Fargo
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.