Dr. Faffa Malan kan beskryf word as Suid-Afrika se eerste virtuele veearts. Hy beantwoord gereeld allerlei navrae van lesers op Landbou.com se Kundiges-afdeling. Hy is ’n vorige Landboukundige van die Jaar van Landbouskrywers SA en ook bestuurder van die Herkouerveterinêre Vereniging van Suid-Afrika (RuVASA). Dok Faffa se indeks van sowat 3 500 vrae en antwoorde was teen September 2018 meer as tien miljoen keer gelees. BELANGRIK: Sluit jou eposadres én telefoonnommer in om te verseker dat jou vraag beantwoord word.

Mnr. Butch van Blerk praktiseer as prokureur en transportbesorger. Hy dien in kommissies van die Departement van Justisie, die Vereniging van Prokureursordes en die Kaapse Wetsgenootskap.

Voermol se span tegniese bestuurders het baie jare se ondervinding in dierevoeding- en boerdery-spesifieke bestuurspraktyke om winsgewendheid te verseker en oplossings te vind vir probleme met veeboerdery op elke plaas. Inligting verskaf moet geensins beskou word as tydige persoonlike advies nie. Dit is die gebruiker se verantwoordelikheid om seker te maak dat beskikbare produkte wel aan individuele vereistes sal voldoen.

Dr. Philip Theunissen is 'n bekende in landboukringe. Sy onderneming op Bethlehem doen finansiële en forensiese rekenmeesterswerk en bied landbou-ekonomiese dienste aan. Dr. Theunissen is 'n bekroonde landboujoernalis.

Dr. Eduard Hoffman is hoof van die departement grondkunde aan die Universiteit van Stellenbosch. Hy is die sameroeper van 'n span wat vrae oor hierdie onderwerp beantwoord.

Dr. Gerhard Verdoorn is die direkteur van die Griffon-gifinligtingsentrum en ’n konsultant vir die landbou-chemiese bedryf. Hy gee raad oor verantwoordelike plaagbestryding en die vergiftiging van mense en natuur.

Dr. Charlie Reinhardt is 'n kenner op die gebied van onkruide, uitheemse indringerplante, probleemplante, onkruiddoders, dekgewasse en ander plante vir onkruidbeheer en hy gee raad oor metodes om onkruid te bestry. Dr. Reinhardt is dekaan van die Villa Akademie. http://www.villaacademy.co.za/