Andries Bezuidenhout se tweede bundel, Veelvuldige gebruike vir huishoudelike toestelle, het pas verskyn. Hy sê ’n navorsingsbesoek aan yskas-fabrieke het hom aan die dink gesit.
Jy het in 2007 met Retoer gedebuteer. Waarom het dit jou so lank geneem om die bundel op te volg?
Gedigte kom aanvanklik as bevliegings, maar dan begin die oorskryf en die weggooi van pogings wat niks meer as bevliegings is nie. Gedigte perkoleer soos goeie koffie en moet ’n bietjie trek soos rooibostee. Dit vat net veel langer as koffie of tee.
