Politici moet verstaan dat sakelui nie net ánders as hulle dink nie, maar dat hulle verplig word om anders te dink, skryf Theuns Eloff.
’n Groot deel van pres. Cyril Ramaphosa se regrukplanne vir die Suid-Afrikaanse ekonomie bestaan daaruit om miljarde rand in buitelandse en plaaslike beleggings te lok. Hopelik sal honderdduisende (indien nie miljoene nie) werkgeleenthede daardeur geskep word.
’n Mens hoor ander politici soms mor oor die “beleggingsboikot” van Suid-Afrikaanse ondernemings, wat op “miljarde rand” sit en “niks daarmee doen nie”.
