DF-koorleier ontvang gesogte toekenning

Die komponis Adrian More, ook koorleier van die Hoërskool D.F. Malan, is verlede week aangewys as landwye wenner van die gesogte Helgaard Steyn-toekenning vir musiekkomposisie.

Hy het dié toekenning ontvang vir sy klavierkomposisie Piano Concerto No. 1, wat bestaan uit drie bewegings – Vivace minaccioso, Adagio con molto espressione en Allegro molto e vivace.

Hy het die prys verlede Donderdag by die Potchefstroom-kampus van die Noordwes Universiteit ontvang.

More het sy wenkomposisie in November 2014 voltooi. Dit is die eerste keer in die Kaapstadse stadsaal met die pianis Francois du Toit as solis uitgevoer, waarvoor hulle ’n staande ovasie ontvang het.

Dit was onder begeleiding van die Kaapstadse Filharmoniese Orkes met Owain Arwell Hughes as dirigent en Farida Basharova as die konsertmeester.

Dit was ook die enigste keer dat dit uitgevoer is.

More het aan TygerBurger gesê hulle beoog om weer ’n uitvoering van die stuk te doen.

Hy het die afgelope vier jaar as koorleier van die Hoërskool D.F. Malan dié koor tot groot hoogtes gevoer.

“More bewys homself weereens as ’n inspirasie en bron van uitnemendheid in ons skool, maar ook vir die kunskultuurkringe van Suid-Afrika in sy geheel,” het Sias Conradie, hoof van die Hoërskool D.F. Malan, op die skool se Facebook-blad oor hom gesê.

More, wat aan Grey Kollege in Bloemfontein gematrikuleer het, het sy graad aan die Universiteit van Kaapstad in 2005 met lof behaal en later aan dié universiteit doseer.

Hy het later sy meestersgraad in gevorderde komposisie, rolprentkomposisie, klavier en stem aan die Royal College of Music in Londen behaal.

More het reeds verskeie konserte en ander hoogtepunte as komponis op sy kerfstok.

Sy Afrikaanse operette Angi-Laius – ’n verhaal oor die tenoor Deon van der Walt in die konteks van Oedipus and Laius – is in 2015 in die Artscape-teater met elke uitvoering met staande ovasies toegejuig.

Hy het ook musiek verwerk vir ’n internasionale dokumentêre film The Black Mambas, wat by die American Documentary Film Festival as die beste internasionale kortfilm aangewys is.

Dit is ook onlangs by die Jozi Film Festival as die beste internasionale kortfilm aangewys.

Die Helgaard Steyn-prys ter waarde van R625 000 word jaarliks om die beurt aan vier kategorieë toegeken – vir musiekkomposisie, beeldhou, romankuns en skilderkuns.

Dit is die grootste private prys vir kunste in Suid-Afrika en word deur die Helgaard Steyn Trust gemaak. Volgens die webblad van dié trust is dit ’n bemaking uit die boedel van dr. Jan Steyn.

Vorige wenners van dié gesogte prys sluit in die Peter Klatzow (musiek), die Wim Botha (visuele kuns) en die skrywers Dan Sleigh, Willem Anker en PG du Plessis.

besig om te laai... Regstreeks
Singhbhum Strikers 0
Ranchi Raiders 0/0
besig om te laai... Regstreeks
West Indies 67/0
Bangladesh 234/10
besig om te laai... Regstreeks
England 264/6
New Zealand 329/10
Rand - Dollar
15.80
+1.1%
Rand - Pond
19.39
+0.0%
Rand - Euro
16.68
-0.1%
Rand - Aus dollar
10.97
+0.0%
Rand - Jen
0.12
-0.0%
Goud
1,827.37
0.0%
Silwer
21.15
0.0%
Palladium
1,880.50
0.0%
Platinum
911.50
0.0%
Brent-ruolie
113.12
+2.7%
Top-40
59,993
+1.6%
Alle aandele
66,349
+1.6%
Hulpbronne 10
64,422
-0.2%
Industriële 25
76,590
+2.6%
Finansiële 15
15,623
+1.9%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos