Die koswerkersvakbond Fawu wil werkers by ander Blue Ribbon-bakkerye en meulens van Premier Foods mobiliseer om in solidariteit met sy Kaapse lede aan simpatiestakings deel te neem.
Fawu ontken boonop dat sy lede betrokke is by geweld in die huidige staking by Premier Foods se bakkery en meule in Soutrivier, Kaapstad wat al langer as twee maande aan die gang is.
Katishi Masemola, hoofsekretaris van Fawu, het gereageer op ’n verklaring van Premier Foods oor ’n bemarkingsvoertuig van Premier wat beskadig is, ’n Premier-bemarker wat meswonde opgedoen het en selfs kinders wat beseer is toe brood by ’n skool afgelewer is.
