Naspers het onlangs aangekondig dat hy sy internasionale bates in Amsterdam gaan noteer. Mediaverslaggewing het hoofsaaklik die “ontsluiting van waarde aan aandeelhouers” uitgesonder, met die verskuiwing van dié bates “na ’n groter saampotting van kapitaal,” saam met die sin daarin om Naspers se gewigstoekenning op die Johannesburgse beurs te verlaag.
Alles goed en wel. Maar daar is ’n verdere onontginde kant van die verhaal waar Naspers, deur sy belangrikste bates uit Suid-Afrika te onttrek, dit buite bereik van die ANC en sy bemagtigings- en onteieningsbeleide plaas.
Laat ons die wêreld in twee groepe verdeel. Aan die een kant is daar ernstige mense wat ware geld belê en inderdaad beleidsbesluite beïnvloed. Aan die ander kant is die ideoloë, idealiste, idiote en dromers wat baie praat, maar nie werklik weet wat aangaan nie. My werk stel my in staat om ’n baie breë spektrum mense in die sakewêreld, politiek en regering te siene te kry en daar is al hoe minder vertroue in pres. Cyril Ramaphosa en sy vermoë om hervorming in te stel.
