Totdat die leeus hul eie geskiedskrywer het, sal verhale oor die jag altyd die jagter verheerlik, lui ’n Afrika-spreekwoord. Hoe moet ’n mens dus op ’n verantwoordelike manier ’n skokkende boek met weinig empiriese bewyse lees waarin die magsverhoudings tussen eertydse maghebbers en magteloses steeds uitspeel, wonder Herman Wasserman.
Die seuns van Bird Islanddeur Mark Minnie en Chris Steyn. Uitgewer: Tafelberg. Prys: R280.
Die pyn wat die Nasionale Party-regering al veroorsaak het, is reeds uitvoerig geboekstaaf, en tog blyk dit uit die bewerings in Die seuns van Bird Island dat aspekte van die regime se morele korrupsie dalk tog verhul gebly het.
