’n Bloemfonteinse huiswerker wat haar verbete teen huisrowers verset het en ’n kankerlyer en sy outistiese seun probeer beskerm het, het Sondag aan haar beserings beswyk.
Mita Koromang Maphinya (66) is Sondag in die vroeë oggendure in die Pelonomi-hospitaal in Bloemfontein dood. Sy is Vrydag omstreeks 09:00 ’n kopbesering en ses steekwonde in die nek, bors en rug toegedien.
Dit het gebeur toe twee gewapende aanvallers op die huis van Herman Toerien, vryskut-navorser en skrywer, in Langenhovenpark toegeslaan het. Maphinya werk die afgelope 17 maande twee keer per week vir hom en sy gesin.
