Die politieke party die Independent Civic Organisation of South Africa (Icosa), stel voor dat elke dorp in Suid-Afrika sy eie inperkings hanteer in ’n poging om die verspreiding van die koronavirus te keer.
Icosa sê in ’n verklaring dit moet gedoen word om pres. Cyril Ramaphosa en die res van Suid-Afrika te help in die stryd teen die verspreiding van die virussiekte Covid-19.
Icosa stel voor dat alle groot sakeondernemings en maatskappye op ’n dorp geld bymekaarsit sodat mense in elke wyk aangestel kan word om te help. Groot maatskappye moet ook mense oplei om te help. Niemand mag die dorp binnekom of verlaat nie.
