Oud-Bloemfonteiner TV-ikoon

Sondag se uitsending in die Icon-reeks op SABC3 gaan oor die dokumenterê rolprentmaker Jolynn Minnaar, voorheen van Bloemfontein. Foto: Gary van Wyk

Die dokumentêre rolprentmaker Jolynn Minnaar is op 29 November om 19:27 op SABC3 self in die kamera se fokus. In die kortrolprentreeks Icons word die lewe belig van dié 27-jarige aktivis wat teen hidrobreking gekant is.

Minnaar, ’n oudleerling van die Hoër Meisieskool Eunice in Bloemfontein, het die internasionaal bekroonde rolprent Un­earthed oor hidrobreking gemaak om plaaslike gemeenskappe oor die nadele van skaliegas-ontginning in te lig. Sy het verskeie pryse ontvang, onder meer die gesogte Groen-toekenning op die Sheffield- Internasionale Dokumentêre Rolprentfees.

Minnaar is ook vir haar bewusmakingswerk in gemeenskappe in die Karoo (die Voices of the Karoo-veldtog) en die res van Afrika oor hidrobreking uitgesonder.

“Ek is ’n jong Suid-Afrikaanse storieverteller wat graag ’n beter toekoms vir my land wil sien. As ek dit kan doen deur die rolprentkuns en fotografie in te span sal ek baie tevrede wees.

“Rolprente is ’n ongelooflike manier om ’n bydrae tot die wêreld te lewer; jy kan sosiale verandering bring wat ’n impak op mense se lewe sal hê,” sê sy.

Minnaar het op ’n plaas naby Graaff-Reinet in die Karoo grootgeword.

Nadat sy ’n graad in mediastudie en rolprentproduksie aan die Universiteit van Kaapstad verwerf het, het berigte oor hidrobreking haar sodanig geprikkel dat sy vyf maande lank in Amerika navorsing oor dié omstrede onderwerp gedoen het. Amerika is die enigste land waar skaliegas al deur hidrobreking ontgin is.

Toe sy terugkeer het sy nie net die dokkie Unearthed gemaak nie, maar ook deur die Karoo gereis om gemeenskappe persoonlik oor die nadele van hidrobreking in te lig. 

  • 21 Icons is ’n TV-reeks wat fokus op Suid-Afrikaners wat deur hul impak, integriteit en invloed ’n inspirasie vir landsburgers is. Die derde reeks waarin 21 uitskieters aan die bod kom, word nou uitgesaai.

Rand - Dollar
17.04
-1.0%
Rand - Pond
20.14
-0.0%
Rand - Euro
17.10
-0.5%
Rand - Aus dollar
11.70
-0.3%
Rand - Jen
0.12
-0.3%
Goud
1,746.39
-0.7%
Silwer
19.05
-2.5%
Palladium
2,125.00
-1.6%
Platinum
894.50
-2.1%
Brent-ruolie
96.59
+3.0%
Top-40
62,974
-1.9%
Alle aandele
69,719
-1.9%
Hulpbronne 10
62,153
-2.8%
Industriële 25
86,103
-0.9%
Finansiële 15
15,698
-3.2%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos