In die 1990’s was ’n jong(erige) Roelf Meyer aan die spits van die NP se grondwetlike onderhandelings. Vandag is hy ’n energieke ringkop aan die spits van ’n fasiliteringsinisiatief tussen die staat en die private sektor om sake in die land en die ekonomie te help omkeer. En ons kán droom, het hy Ilse Bigalke verseker.
Die NP se besluit om in 1996 uit die regering van nasionale eenheid te onttrek was ’n “reuse-oordeelsfout” en het op ’n manier die wit-swart-samewerking beëindig.
In die Zuma-jare was geen kommunikasie eintlik moontlik nie, maar toe Cyril Ramaphosa president geword het, het ’n geleentheidsvenster ontstaan om ’n ommekeer in die land en die ekonomie te help bewerkstellig.
