Schweizer-Reneke: Versoening is ’n lang proses

Wéét wit mense hoekom dit ons swart landgenote seermaak om so ’n foto te sien soos die een wat na ouers by die Laerskool Schweizer-Reneke gestuur is? Kan ons uit ons ervaringswêreld stap en probeer verstaan? vra Elmien du Plessis.

Eendag op pad na ’n sokkertoernooi neem die gemeenskapspolisiëringsforum (GPS) ons kortpad deur ’n deel van Soweto. My kinders staar stil by die venster uit en ná ’n ruk vra my seun (toe sewe): “Mamma, is die mense wat hier bly arm?”

“Ja,” antwoord ek.