Wat in Suid-Afrika skort, is ’n nuwe visie en ek dink dis tyd om so ’n visie te formuleer en ’n nuwe kruistog te begin waarin ons poog om ’n vrye samelewing te help skep waarin eiendomsbesit en voorspoed voorop gestel word.
Om dit te bereik moet ons eers die mite dat daar ’n “rasseoorlog” in Suid-Afrika bestaan, verdryf. Niks kan verder van die waarheid wees nie.
Daar is geen verskil tussen swart en wit of arm en ryk Suid-Afrikaners nie. Ons gee almal om vir ons land en ons gesinne en ons wil graag almal ’n veilige en vrye samelewing geniet.
