Laat die mense hul eie polisiestasie-bevelvoerders kies, skryf Frans Cronjé.
Om en by 2010 het ons by die Instituut vir Rasseverhoudinge (SAIRV) begin belangstel in die groot getal berigte in die media waar slagoffers van misdaad beweer dat “mense in polisie-uniforms” of “mense wat in polisievoertuie ry” betrokke was by ernstige en geweldsmisdade.
Daar was ’n groot getal sodanige berigte, maar die polisie het roetinegewys ontken dat hul lede daarby betrokke was en het eerder gesuggereer dat sulke misdade deur “foppolisielede”, mense wat hulle voorgedoen het as polisielede, gepleeg is.
