Vermiste Pta-man ongedeerd gevind

’n Pa en sakeman van Pretoria wat verlede week vermis geraak het, is Vrydagaand ongedeerd in Margate, KwaZulu-Natal, gevind.

Johan Heyns (37), ’n bestuurder van ’n Spar in Sinoville, Pretoria, het op Vrydag 19 Januarie omstreeks 11:00 sy huis verlaat.

Daarna het hy spoorloos verdwyn. Sy silwer Subaru is vroeër vandeesweek by ’n strand in Uvongo in Port Shepstone gevind. Die motor was gesluit en sy klere is daarin gevind, maar daar was geen teken van hom nie.