n Mens kan Suid-Afrikaners nie verkwalik dat hulle ’n bietjie vuisvoos of selfs moedeloos voel nie.
Dit klink asof daar net nie meer goeie nuus in die media is nie. Die vooruitsigte vir die land en die rand lyk nie goed nie, en volgens berigte maak die emigrasieagente goed geld uit Suid-Afrikaners wat groener weivelde soek (nie dat Brittanje nog so groen lyk ná die terreuraanvalle op openbare plekke nie – selfs Johannesburg se strate is veiliger).
Daar is breedweg twee hoofreaksies op hierdie stand van sake – sommige sê (soos wyle pres. Jan Brand) “alles sal regkom”. “Zuma is een van die dae op pad uit en dan is alles weer reg.”
