Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
3 brand dood in ongeluk in Polokwane

Drie mense het Maandagoggend vroeg gesterf in ’n ongeluk naby Mall of the North in Polokwane in Limpopo toe albei voertuie aan die brand geslaan het.

’n Mercedes Benz-minibus en ’n Nissan-bakkie het omstreeks 07:00 naby die Landdros Maré-afrit op die N1 gebots.

Drie mense is dood en nog drie beseer toe twee voertuie Maandag buite Polokwane gebots het. Foto: Verskaf

Volgens Mike Maringa, woordvoerder van die departement van vervoer in Limpopo, het twee insittendes van die minibus en een in die bakkie onherkenbaar verbrand.

Nóg drie passasiers van die twee voertuie het ernstige beserings opgedoen en is in ambulanse na hospitale in die gebied geneem.

Die oorsaak van die ongeluk is nog onbekend.

Die wrak van 'n bakkie wat Maandagoggend buite Polokwane in 'n ongeluk betrokke was. Foto: Provinsiale verkeersdepartement
'n Lid van die brandweer by die uitgebrande wrak van 'n motor buite Polokwane. Foto: Provinsiale verkeersdepartement
Die uitgebrande wrak van 'n minibus wat Maandagoggend buite Polokwane in 'n botsing was. Foto: Provinsiale verkeersdepartement

In nog ’n ongeluk het vier mense Sondagmiddag buite Lephalale gesterf toe ’n Toyota en ’n Ford-bakkie op die R518 naby Visgat in ’n trompop-botsing was.

Maringa sê dit blyk dat die ongeluk gebeur het toe die Toyota ’n motor verbygesteek en reg van voor in die aankomende bakkie vasgery het.

Al vier insittendes van die Toyota is op die toneel dood. Die bestuurder en ’n passasier van die bakkie is na ’n hospitaal in Lephalale gehaas.

Mavhungu Lerule-Ramakhanya, LUR van vervoer in Limpopo, het in ’n verklaring haar kommer uitgespreek oor toenemende ongelukke in die provinsie wat deur roekelose en nalatige bestuur veroorsaak word.

Meer oor:  Mall Of The North  |  Ongeluk  |  Polokwane
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.