Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
7 tieners by Dappat se Gat vasgekeer

Die Nasionale Seereddingsinstituut (NSRI) in Gordonsbaai het Dinsdag sewe jong mense gered wat deur die gety by Dappat se Gat, ’n inham tussen Gordonsbaai en Kogelbaai aan die Valsbaai-kus, vasgekeer is.

Alan Meiklejohn, stasiebevelvoerder van die NSRI in Gordonsbaai, sê die Nasionale Hawe-owerheid het die NSRI se hulp Dinsdag om 17:13 ingeroep.

Een van die kinders se ouers het die owerhede ontbied. Foto: NSRI

Een van die tieners se ouers het hulp gaan soek, en het gesê dat hul kind saam met ses vriende in ’n inham vasgekeer is.

Dappat se Gat is langs die R44, in die rigting van Kogelbaai.

Toe die NSRI se reddingspan by die toneel opdaag, het hulle sewe jong mense, almal 18 jaar oud, daar aangetref.

Sewe tieners is Dinsdag uit 'n inham naby Koggelbaai gered. Foto: NSRI

Die drie mans en vier meisies is onderskeidelik van Stellenbosch en die Paarl afkomstig.

Volgens Meiklejohn is die groep deur die gety vasgekeer.

“Hoewel hulle veilig was in die inham, was dit vinnig besig om donker te word en moes ons hulle vinnig daar uitkry.”

Meiklejohn sê hul reddingswemmers het die inkomende branders gebruik om tot by die groep te swem.

Hierna is daar van toue gebruik gemaak om veiligheidstoerusting by hulle te kry.

“Die reddingspan het die jong mense aangesê om reddingsbaadjies en valhelms aan te sit waarna hulle na veiligheid gebring is.”

Die groep is met hul bekommerde ouers, wat ook by die toneel opgedaag het, herenig.

Die GB Med-nooddienste, die Kaapse verkeersdepartement en die metropolisie was op die toneel.

Niemand is beseer nie.

Meer oor:  Kogelbaai  |  Valsbaai-Kus  |  Dappat Se Gat  |  Nsri  |  Seeredding
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.