Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
9 vissermanne net betyds gered

Nege vissermanne het Donderdag naby Kommetjie ’n waterdood ontkom toe lede van die Nasionale Seereddingsinstituut (NSRI) hulle van hul sinkende vissersboot af red.

Die NSRI se reddingspanne in Houtbaai en Kommetjie is Donderdag net na 08:00 geaktiveer, nadat inligting ontvang is van ’n vissersboot waarin water ingeloop het, 12 seemyl van die Slangkop-lighuis.

Die NSRI se seereddingsvaartuie die Albie Matthews en die IL Battello het albei pompe wat water opsuig, asook ekstra brandstof en brandstofpompe vir die waterpompe aan boord gehad.

’n Vissersboot wat ten tyde van die reddingsoperasie in die omgewing was, is ingespan om te help.

Lede van die NSRI was byderhand om seker te maak dat die sinkende vissersboot veilig tot die hawe in Houtbaai vaar. Foto: NSRI

Met die NSRI se aankoms by die toneel het die reddingswemmers van Houtbaai aan boord die sukkelende vissersboot geklim.Die boot het reeds begin sak. Die waterpompe is gebruik om van die water uit te pomp.

Die boot het hierna in die rigting van Houtbaai gevaar, met lede van die NSRI op hul hakke om die situasie te monitor.

Geen verdere hulp was nodig nie en die vissersboot het veilig tot by die Houtbaai-hawe gevaar.

Meer oor:  Nsri  |  Kommetjie  |  Vissermanne
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.