Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Bestuurder 'nie gesien' op toneel van ongeluk wat gesin eis
Die Janse van Rensburg-gesin, Claudia (25), Clive (32), Aiden (4) en Leané (5), wat Donderdagaand in ’n ongeluk dood is. Foto: Verskaf

REGSTELLING: Dié berig vervang 'n vroeëre weergawe van die storie waarvan die inligting nie korrek was nie.

Die prokureur van die bestuurder van ’n voertuig wat betrokke was by die ongeluk wat die lewens van ’n Boksburg-gesin geëis het, ontken dat sy kliënt van die ongelukstoneel gevlug het.

Die Janse van Rensburg-gesin, Clive (32), Claudia (25), Aiden (4) en Leané (5), was Donderdag op pad na Richardsbaai om by familie te gaan kuier.

Hulle het Claudia se ouers, Belinda en Pedro Tenreiro, op Kriel in Mpumalanga gekry, van waar hulle omstreeks 17:30 in aparte voertuie verder gery het. 

Volgens inligting het ’n motor reg van voor teen die Janse van Rensburgs se Renault gebots. Pedro Tenreiro het gesê die familie het intussen ’n private speurder aangestel om die ongeluk te ondersoek.

Volgens Tenreiro het hy glad nie die ander bestuurder op die toneel gesien nie en dit is hartseer dat hy die toneel verlaat het. Die bestuurder se regsverteenwoordiger, Garry Bell, wou nie sy kliënt se naam bekend maak nie.

Bell sê sy kliënt het nie gevlug, soos beweer word, nie. Bell het Woensdagmiddag aan Netwerk24 gesê sy kliënt is na ’n hospitaal gebring en het nie van die toneel gevlug nie. 

Bell sê hy het ’n kopbesering opgedoen en het gesukkel om asem te haal.

Daarom is sy kliënt onmiddellik na die hospitaal vervoer. Volgens Bell is sy kliënt ’n veearts en woon al jare op Mkhuze.

Die polisie het Dinsdag by navraag oor die ongeluk gesê die bestuurder het van die toneel af gevlug, maar Woensdag laat weet hierdie inligting is verkeerd en dat die bestuurder nie van die toneel af gevlug het nie.

Die bestuurder is volgens die polisie na 'n hospitaal geneem. Die polisie het die Janse van Rensburg-gesin se ongeluk aanvanklik met 'n ander een verwar en daarom is die verkeerde inligting Dinsdag aan Netwerk24 verskaf. Die gesin word Vrydag begrawe.




Meer oor:  Janse Van Rensburg-Gesin  |  Ongeluk
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.