Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Brugslagoffer: Shamonè verlam van onder arms
Shamonè Steynvaart
Verlam: Shamoné Steynvaart. Foto: Facebook

Shamonè Steynvaart is van onder haar arms af verlam.

Sy is een van die leerlinge in die Hoërskool Driehoek in Vanderbijlpark wat Vrydag ernstig beseer is toe ’n loopbrug by die skool ineengestort het. Vier leerlinge het sedert die tragedie gesterf.

Dokters in die Life Wilgers-hospitaal in Pretoria het nog Saterdag gespook om lewe in Shamoné, ’n gr. 9-leerling, se onderlyf te herstel. ’n Kennis van die familie het vroeg Sondagmiddag op ’n gebedsblad op Facebook vir die oorlede en beseerde kinders geskryf dis nou bevestig dat Shamonè in haar onderlyf verlam is.

“Met toestemming van Shamonè se ma wil ek net ’n update gee oor hul sonskynkind. Dokters het bevestig dat sy wel van onder die arms af verlam is. Die rug is versterk en so ook die arm met penne.

“Sy sal sodra dit beter gaan, oorgeplaas word vir rehab sodat die boarms versterk kan word, sodat sy kan leer om haarself in en uit ’n rolstoel (te) help. Die familie bedank almal vir hul boodskappe en gebede. Hou aan bid vir Sussa en so ook al die ander beseerde kinders.”

’n Woordvoerder by die hospitaal sê die hospitaal mag geen kommentaar lewer nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.