Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Danny Titus ‘stabiel in hospitaal’
Dr. Danny Titus Foto: Lisa Hnatowicz

Die politieke ontleder, regskenner, taal- en kultuuraktivis dr. Danny Titus (63) is in ’n stabiele toestand in ’n Gautengse hospitaal ná komplikasies tydens ’n oogoperasie.

Titus, wat tot onlangs die uitvoerende direkteur van korporatiewe aangeleenthede by die ATKV was, is verlede Dinsdag geopereer om ’n katarak en bloeding te verwyder.

Sy hart het ná die operasie in die herstelkamer gaan staan.

Hy is sedertdien in ’n koma in die waakeenheid van die hospitaal.

Sonél Brits, besturende direkteur van ATKV, het by navraag gesê sy toestand is stabiel.

Sy dogter Dalene Titus het Maandagaand gesê die familie gaan geen verdere besonderhede oor sy toestand bekend maak nie.

Sy het egter Sondag gesê haar pa “moet nou op sy eie tyd wakker word”.

Titus se gesin mag hom weens koronavirusregulasies nie in die hospitaal besoek nie.

Dalene het op sosiale media geskryf dokters het sowat ’n halfuur lank gesukkel om Titus by te bring.

“Sy hart het telkemale gaan staan en hy is sedertdien in ’n koma. Hulle het ’n breinskandering gedoen en dit toon hy het in die proses breinskade opgedoen waarvan die omvang eers vasgestel sal kan word wanneer hy uit die koma kom,” het sy geskryf.

Sy hart het telkemale gaan staan en hy is sedertdien in ’n koma. Hulle het ’n breinskandering gedoen en dit toon hy het in die proses breinskade opgedoen waarvan die omvang eers vasgestel sal kan word wanneer hy uit die koma kom.

Titus woon in Roodepoort en het twee dogters, Dalene en Neriska.

Sy vrou, Lynda (57), is sewe jaar gelede dood ná ’n lang stryd teen kanker.

Hy is tans die voorsitter van die DAK Netwerk, ’n organisasie wat hom beywer vir die ontwikkeling van en navorsing oor voorheen benadeelde Afrikaanse gemeenskappe.

Meer oor:  Danny Titus
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.