Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Dylan se Nobel-antwoord nog 'blowin' in the wind'
Bob Dylan

Die legendariese sanger Bob Dylan het nog geen woord gerep oor die Nobelprys vir letterkunde wat aan hom toegeken is nie.

Die Sweedse Akademie het ook vir eers moed opgegee om Dylan in die hande te kry, berig The Guardian.

Dit is seker nie dat hy ondankbaar is oor die eer en die meegaande $904 000 (sowat R12,8 miljoen) nie. Dalk is hy net besig.

Dylan het in Las Vegas opgetree die aand waarop bekend gemaak is dat hy nou ’n Nobelpryswenner is, maar hy het niks laat blyk dat hy van die prys weet nie.

Sara Danius van die Sweedse Akademie sê sy het oproepe gedoen en e-posse gestuur aan Dylan se naaste medewerker en dit is met vriendelike antwoorde ontvang.

“Dit is seker genoeg vir nou,” sê Danius.

Of Dylan gaan opdaag vir die prysuitdeling, wat op 10 Desember in Stockholm plaasvind, is nog onseker.

Danius sê sy is nie bekommerd nie . . . sy dink hy sal opdaag.

Miskien het sy al geluister na Dylan:

The answer, my friend, is blowin’ in the wind

The answer is blowin’ in the wind

Meer oor:  Bob Dylan  |  Nobelprys
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.