Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Helikopter stort neer in Kaapse Wynland-distrik

’n Helikoptervlieënier, glo in sy middel twintigs, het Dinsdagoggend met sy helikopter in ’n Eskom-kraglyn vasgevlieg waarna die helikopter geval het.

Die ongeluk het omstreeks 07:40 op die plaas Silwerstroom naby Wolseley gebeur en die vlieënier was glo een van twee wat gewasbespuiting gedoen het in die gebied.

’n Stofwolk kan gesien word waar die helikopter geval het. Foto: Verskaf

Nelia Retief, ’n ooggetuie, sê haar huis kyk uit op die ongelukstoneel. “Ek het ’n helikopter gehoor en kort daarna ’n groot slag,” sê sy.

“Daar het ’n groot stofwolk in die lug gehang. Nie lank daarna nie het ’n ander helikopter, wat ook bespuiting doen, na die toneel gevlieg.”

Volgens haar is die nooddienste en die polisie tans op die toneel.

Netwerk24 kon nie onmiddellik bevestiging kry oor die vlieënier se toestand nie. Lede van die Burgerlugvaartowerheid (BLO) is glo op pad na die toneel, maar dit kon nie onmiddellik met die BLO bevestig word nie.

Die ongeluk het daartoe gelei dat die elektrisiteitstoevoer na die Ceres-omgewing afgesny is.

Barnito Klaasen, burgemeester in die Witzenberg-streek, en David Nasson, munisipale bestuurder, het Dinsdagoggend vergader oor die probleem.

helikopter val, ongeluk, Wolseley
Die ongelukstoneel op die plaas naby Wolseley. Foto: Facebook/Boland Dorpe

Meer oor:  Wolseley  |  Wes-Kaap  |  Ongeluk  |  Plaas
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.